Хаартыска: SakhaGov
Саха сиригэр байыаннай дьайыы бэтэрээннэрин өйүүр үлэ тиһиктээхтик ыытыллар. “Дойдуну көмүскээччилэр” пуонда салаата байыаннай дьайыы кыттыылаахтарыгар көмөлөһөрүн сэргэ, кинилэр үүнэр көлүөнэни патриоттуу тыыҥа иитиигэ көхтөөхтүк кытталларын көҕүлүүр.
Ол биир холобурунан Өлөөн улууһун Оройуоннааҕы киин балыыһатын кылаабынай бырааһа, байыаннай дьайыы бэтэрээнэ Назар Петров буолар.
Назар Петров байыаннай дьайыыга кыттыыта 2022 сылтан “БАРС-2” састаабыгар киирэн, Харьков уобалаһыттан саҕаламмыта. Салгыы Запорожье уобалаһыгар уонна ДНР/ЛНР байыаннай госпиталь уонна бөртөлүөт биригээдэтин бырааһынан сулууспалаабыта. Бүтэһик, бэһис командировкатыгар Одесса оройуонугар пулеметчигынан сулууспалаабыта, манна байыаннай сорудаҕы толоро сылдьан ыараханнык бааһырбыта.
Назар Петров хорсун быһыытын иһин Хорсун быһыы уордьанынан, “Хорсунун иһин” мэтээлинэн, “Запорожье уобалаһыгар өҥөтүн иһин” уорданьынан уонна Арассыыйа Оборонаҕа министиэристибэтин “Байыаннай дьайыы кыттыылааҕа” мэтээлинэн наҕараадаламмыта.
Кини доруобуйатын чөлүгэр түһэринэн баран куонкурска кыттан, Ил Дархан Айсен Николаев “Саха сирэ – Дьоруойдар сирдэрэ” каадыр бырагырааматыгар үөрэммитэ. Ону сэргэ Ис Дьыала министиэристибэтин иһинэн Уопсастыбаннай сэбиэт үлэтигэр, буруйу оҥорууну сэрэтии үлэтигэр, ыччаты патриоттуу тыыҥҥа иитиигэ кыттар.
Бэтэрээн “Дойдуну көмүскээччилэр” пуонданы уонна муниципалитеттары кытары оскуола үөрэнээччилэригэр уонна устудьуоннарга “Хорсун быһыы уруоктарын” тэрийэр. Маннык көрсүһүүлэргэ кини бойобуой доҕотторо Денис Роженцев, Василий Солдатов кытталлар.
Пуонда салаатын социальнай сүрүннээччи Владилена Абрамова:
“Назар Петров – дойдуга бэриниилээх буолуу дьиҥнээх холобура. Биһиги сорукпут – дьоруойдар бэйэлэрин кыахтарын муҥутаан туһаналларыгар көмөлөһүү уонна кинилэр хорсун быһыыларын, күүстээх санааларын ыччакка кырдьыктаахтык тириэрдии”, — диэн бэлиэтиир.
СӨ Ил Дарханын уонна бырабыыталыстыбатын пресс-сулууспата
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…