Саина Титова хаартыскаҕа түһэриитэ, СИА
«ЗдравПобеда» аахсыйаҕа 23 бэтэрээн хабылынна. Бу Аҕа дойду уоттаах сэриитигэр Улуу Кыайыы 80 сылынан ыытыллар аахсыйа.
Бу СӨ доруобуйа харыстабылын министиэристибэтэ көҕүлээбит тэрээһинэ бэтэрээннэргэ үрдүк хаачыстыбалаах мэдиссиинэ көрүүтүн хааччыйар сыаллаах-соруктаах ыытыллар.
Бэтэрээннэргэ — 9 ытык кырдьаҕас 1941-1945 сс. Аҕа дойду уоттаах сэриитин кыттыылаахтара, 11 — «Жителю блокадного Ленинграда» бэлиэнэн наҕараадаламмыттар, 3 — концлааҕырга сылдьыбыт оҕолор.
«Бу ытык дьон саамай ыарахан кэмнэргэ самныбат санааларын, хорсун быһыыларын, тулуурдарын көрдөрбүттэр. Кинилэргэ улахан болҕомто уонна кыһамньы ууруллуохтаах», — диэн доруобуйа харыстабылын министиэристибэтигэр бэлиэтииллэр.
Мэдиссиинэ тус арыаллааһыныгар бэтэрээннэр доруобуйаларын кэлимник көрүү киирэр. Манна чинчийэн көрүү, диагностика, диспансеризация, эмтэнии уонна реабилитация киирэллэр.
Биэдэмистибэҕэ бэлиэтииллэринэн, «ЗдравПобеда» аахсыйа бэтэрээннэргэ сүгүрүйүүнэн буолар. Бу аахсыйанан хас биирдии бэтэрээн доруобуйатын эмп эйгэтин үлэһиттэрэ көрө-истэ сылдьалларыгар, хонтуруолга туталларыгар, хайа баҕарар түгэҥҥэ кинилэргэ көмөлөһөр дьон баалларыгар эрэллээх буолуохтарын сөп.
СӨ Ил Дарханын уонна Бырабыыталыстыбатын пресс-сулууспата
Саина Титова хаартыскаҕа түһэриитэ, СИА
Ленскэй оройуонун олохтооҕо маарката суох, ГОСТ ирдэбилигэр эппиэттээбэт арыгынан эргинээри сууттаммыт. Ол курдук, 60 саастаах…
Ыам ыйын 29 күнүгэр Таатта улууһун Харбалаах сэлиэнньэтин уһуйааныгар самаан сайыны көрсө “Үрүҥ тунах” ыһыах…
-- Байыаннай дьайыы зонатыгар сылдьар эбэтэр госпитальга сытар байыаннай сулууспалаах электроннай каартатынан атын киһи (аймаҕа,…
Аллараа Халыма улууһун Черскэй бөһүөлэгэр 17 саастаах оҕо киһини улаханнык эчэтэн, өлүүгэ тиэрдибитинэн холуобунай дьыала…
Ил Дархан Айсен Николаев оробуочай сырыытынан Аллараа Халыма оройуонугар сылдьан улуус баһылыга Ярослав Бандеровтыын көрүстэ.…
ИДьМ Нерюнгритааҕы отделын дьуһуурунай чааһыгар суһал көмө диспетчерэ 36 саастаах эр киһи быһаҕынан анньыллан балыыһаҕа…