Ульяна Захарова хаартыскаҕа түһэриитэ.
Бу күннэргэ социальнай ситимҥэ Дьокуускай куорат Хомсомуол болуоссатыгар баар атыы-эргиэн эрээттэриттэн үрүҥ аһы атыылаһымаҥ диэн сурах тарҕаммыта.
Дьэ, ол кэриэтин «Сайсары» ырыынактан атыылаһыҥ диэбиттэр үһү диэн буолбута. Оттон куорат олохтоохторун «Сайсары » ырыынагар атыыланар бородууксуйа сыаната ыарахана сөхтөрөр.
Биһиги СӨ Бэтэринээрийэҕэ департаменыгар сибээскэ тахсан бу туһунан сурастыбыт. Дьокуускайдааҕы бэтэринээринэй-чинчийэр лаборатория дириэктэрэ Павел Васильевич Павлов санаатын үллэһиннэ:
— «Сайсары» бааһынай ырыынагар бэтэринээринэй-санитарнай эспэртиисэ «ЯРВИЛ» диэн салаа үлэлиир. Бу салаа бэтэринээр быраастара дьиэ кыылын уонна кини биэрэр бородууксуйаларын, ону сэргэ тыа хаһаайыстыбата үүннэрэн таһаарар бородууксуйатын барытын бэтэринээринэй-арыаллыыр докумуоннарын бэрэбиэркэлииллэр. Бу докумуоннары бэтэринээринэй сулууспалар өрөспүүбүлүкэ бары муннугар оҥороллор. Бэтэринээринэй быраабыла ирдэбилин, нуормаларын тутуһууну барытын бу салаа бэрэбиэркэлиир. Онон бүгүҥҥү күҥҥэ үлэлиир нормативнай докумуоннарга олоҕуран чинчийиигэ боруоба (проба) ылыллар, ол эрэ кэнниттэн бородууксуйа ырыынак тиэргэнигэр атыыланар кыахтанар. Бэтэринээрийэ-санитарнай эспэртиисэтин салаата тыа хаһаайыстыбата оҥорон таһаарар бородууксуйатын хаачыстыбатын иһин эппиэтинэһи сүгэр. Оттон Хомсомуол болуоссатын атыы-эргиэн эрээттэрин лааппыларыгар атыыланар бородууксуйа иһин бу салаа эппиэтинэһи сүкпэт.
Доруобуйаны тупсарыы күһүн уонна саас эрэ буолбакка, сайын өссө туһалаах дииллэр миэдиктэр. Сайын доруобуйатын көрүммүт,…
Сабантуйга кыайыыта бар дьонугар күндү бэлэҕинэн буолла Бу күннэргэ Дьокуускай куоракка XXV Федеральнай Сабантуй чэрчитинэн ыытыллыбыт…
Сунтаар улууһугар бэс ыйын 20-21 күннэригэр Сергей Зверев-Кыыл Уола төрөөбүтэ 125 сылыгар аналлаах ыһыах ыытылла…
Кымыс иһиитин сиэрин-туомун ыһыахха анаан-минээн көрдөрүү буолла. Бу Сунтаар ыһыаҕар үтүө үгэскэ кубулуйда. Хаартыскалары көрүҥ.…
Улуу Кыайыы 80, Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларынан Хаһааччыйа сэлиэнньэтигэр…
Кэнники сууккаҕа өрөспүүбүлүкэҕэ буруйу оҥоруу сэттэ түгэнэ бэлиэтэммит. Ол курдук, Марха түөлбэтигэр сыбааркалыыр аппарааты уорбуттар,…