Хаартыска: .spbvet.info
Покровскайга бэтэринээр пуунугар 9 ыйдаах ыт оҕотун аҕалбыттар. Хаһаайын ыт хараҕын бүөлүү сылдьар чараас бүрүөһүн баарын, испитин көрдөрбүт. Бэтэринээр пуунун сэбиэдиссэйэ Саргылаана Петрова уонна бэтэринээринэй биэлсэр Ньургуйаана Басыгысова ыты көрөн-истэн баран, харах уутун оҥорор былчархай таһыгар тахсыбыт диэн диагноһы туруорбуттар уонна эпэрээссийэлээбиттэр.
Сороҕор маннык бүрүөһүнү үһүс халтаһа диэн ааттыыллар. Үһүс халтаһа кыыл хараҕар баар буолар, харах салыҥа хаппатын, быыл, сыыс киирбэтин туһугар, халтаһаны харыстыыр бүрүөһүн буолан, чыпчылыйарга көмөлөһөр. Сороҕор бу бүрүөһүн иһэр, таһыгар тахсар, сабыллыбат буолар.
Бу ыарыыны хаһаайыттар түргэнник өйдөөн көрөллөр, тоҕо диэтэр, кыыл хараҕын иһигэр туох эрэ кыһыл бөлтөйө сылдьар буолар.
Бэтэринээрдэр эпэрээссийэни ситиһиилээхтик оҥордулар диэн Бэтэринээрийэ департамена иһитиннэрэр. Ыт оҕото уопсай норкуостан этэҥҥэ тасхан, хараҕа үтүөрэргэ барбыт.
Сорох улахан куораттарга кыылларга анал бэтэринээринэй офтальмология диэн баар буолар эбит. Оттон биһиги бэтэринээрдэрбит быраастар курдук, ханнык баҕарар ыарахан эпэрээссийэни оҥорорго бэлэмнэр.
Зеленскэй Донбасстан сэриитин таһаарарын утарар. Ол эрэн АХШ Украина куттала суох буолуутун мэктиэлиирин туруорсар. НАТО-ҕа…
Бүгүн, ахсынньы 16 күнүгэр Дьокуускай куорат национальнай гимназиятыгар оттук систиэмэтин турбата тоҕо баран, уол оҕо…
Сотору-сотору араас саайтарга “биэнсийэҕэ тахсар саас 5 сылынан эбиллиэ” диэн суруйуулар тахсан социальнай ситиминэн тарҕанан,…
Суһал-сэрэтэр тэрээһиннэр саҕаланыахтарыттан полиция үлэһиттэрэ омук дьоно олорор, үлэлиир 3,2 тыһыынчаттан тахса эбийиэктэрин бэрэбиэркэлээбиттэр. Бу…
Быйылгы тэрээһиҥҥэ физкултуура уонна успуорт эйгэтигэр хас да саҥа анал аат туттарыллыаҕа. Сыл бастыҥ күрэсчиттэрин,…
Саха сиригэр байыаннай дьайыы кыттыылаахтара үлэҕэ ылыллар кубуоталарын 5 тыһыынчаҕа тиийэ улаатыннарыахтара диэтэ Дьарыктаах буолуу…