Бүгүн, атырдьах ыйын 29 күнүгэр, Жатай бөһүөлэгэр үөрүүлээх быһыыга-майгыга СӨ Бэтэринээрийэтин управлениеларыгар Бырабыыталыстыба бэрэссэдээтэлин солбуйааччы Сергей Местников массыыналар уонна биир инсениратор тиэхиньикэни туттарда. Бэлиэтээн суруйдахха, массыыналар сүрүн соруктара «Передвижная ветеринарная лаборатория» өҥөнү оҥорорго туһуламмыттар.
Ол курдук, маннык көһө сылдьар лаборатория массыыналар күлүүстэрин Мэҥэ Хаҥалас, Ньурба улуустарын бэтэринээрийэтин управлениелара уонна Дьокуускайдааҕы бэтэринээринэй чинчийэр лаборатория туттулар.
СӨ Бырабыыталыстыбатын бэрэссэдээтэлин солбуйааччы Сергей Местников:
— Биһиги өрөспүүбүлүкэбитигэр бэтэринээринэй сулууспа үлэтэ олус улахан суолталаах. Сыстыганнаах ыарыылары тохтотор сүрүн үлэни оҥорор суолталаах. Онон маннык сулууспаларбытын материальнай өттүнэн хаҥатыы, саҥа тиэхиньикэнэн хааччыйыы көмөлөөх буолар. Элбэх улуус бэтэринээринйэ управлениелара маннык тиэхиньикэнэн хааччыллыбыттара. Былырыын хоту улуустарга бурааннары уонна мотуордаах оҥочолору тиксэрбиппит. Быйыл «Газель» олоҕор таҥыллыбыт лаборатория кэлэн, үс улууска бэрилиннэ. Бу тиэхиньикэлэр улуустарга үлэҕэ-хамнаска улахан көмөнү оҥоруохтара. Күнү-дьылы бараабакка, миэстэтигэр тахсан анаалыс ылан, түмүгүн оҥорор кыахтаныахтара. Бу үлэ салҕаныаҕа, — диэтэ.
Саргылаана Тополина, Мэҥэ Хаҥалас улууһун бэтэринээринэй управлениетын салайааччыта:
— Биһиэхэ бүгүн массыына күлүүһүн туттардылар, оруобуна Бэтэринээрийэ күнүн көрсө биэрбиттэрэ ордук суолталаах буолла. Бу көһө сылдьар бэтэринээринэй лаборатория биһиэхэ, элбэх нэһилиэктээх улууска олус наада этэ. Инникитин маннык тиэхиньикэҕэ тиксэ илик дьон олус үөрдүбүт. Өрөспүүбүлүкэбит салалтатыгар махталбытын тиэрдэбит. Биһиги, Мэҥэ Хаҥалас улууһугар бэтэринээрийэ үлэһиттэрэ ахсааммыт 99 киһи буолар. Сааскы-күһүҥҥү сэрэтэр үлэлэрбитигэр бу массыына олус туһалыаҕа диэн эрэнэбит. Ыарыы турар түгэнигэр, миэстэтигэр тиийэн үрдүгэр анаалыс ылар, оҥорор кыахтанныбыт. Үлэбит хаачыстыбата быдан тупсуоҕа.
Бу күннэргэ Япония Осако куоратыгар Аан дойдутааҕы ЭКСПО быыстапката түмүктэннэ. Киһи аймах өркөн өйө олоҕу…
Дьокуускай куорат 1 нүөмэрдээх поликлиникатыгар НГМ (система непрерывного мониторинга глюкозы) систиэмэни 1 тииптээх саахарынай диабеттаах…
Бу күннэргэ өрөспүүбүлүкэҕэ «Нелегал» эпэрээссийэ ыытылла турар. Тэрээһин алтынньы 22 күнүгэр диэри ыытыллыаҕа. [gallery ids="247795,247796,247797"]…
2026 сылга дьиэ кэргэн нолуогун төлөбүрүн икки уонна онтон элбэх оҕолоох 7 мөлүйүөнтэн тахса үлэлиир…
Дьокуускай куоракка алтынньы 17-31 күннэригэр ыытыллар “Чайковский-фест. Якутск” опера-балет бэстибээлигэр Мариинскай уонна Улахан тыйаатыр, ону…
Бу нэдиэлэҕэ Красноярскайга Арассыыйа успуордун үтүөлээх маастара Заур Батаев бирииһигэр Бүтүн Арассыыйатааҕы көҥүл тустууга турнир …