Бэтэринээринэй сулууспаларга — саҥа массыыналар

Бүгүн, кулун тутар 29 күнүгэр, 21 оройуон уонна Дьокуускай куорат бэтэринээринэй сулууспалара  дезинфекционнай  тэриллээх  УАЗ массыыналар күлүүстэрин туттулар. Бу туһунан Ил Дархан Айсен Николаев телеграмҥа суруйда.

— Бэтэринээринэй сулууспа автопаарката өссө маннык саҥардыллыбатаҕа уонча сыл буолла. Бу өрөспүүбүлүкэ бэтэринээринэй-санитарнай куттала суох буолуутун хааччыйыыга улахан хардыынан буолар. Бу маннык установкалаах УАЗ массыыналар биһиги усулуобуйабытыгар ордук табыгастаахтар, — диэн Ил Дархан суруйда.