Хаартыска: Вера Прокопьева тиксэриитэ.
Сандал саас күлүмнээн кэлбит, күммүт уһаабыт үөрүүтүгэр муус устар 12 күнүгэр Мукучу нэһилиэгэр «Дайан» норуот айымньытын дьиэтигэр «Дьээбэрэҥ-2025» бэтиэхэ артыыстар дьоро түһүлгэлэрэ буолан ааста.
Дьээбэрэҥҥэ Мастаах сэл. оскуола оҕолоро, Арыылаах нэһилиэгиттэн улахан дьон, «Кэскил», «Тиэрбэс» түөлбэлэр кыттыыны ыллылар, ону тэҥэ «Дэриэбинэчээн» норуот тыйаатырын артыыстара күрэхтэһиини көрдөөх сыаҥкаларынан киэргэттилэр.
Дьээбэ-хообо артыыстар көрөөччүлэр быардарын быстылар. Бэһиэлэй бэтиэхэ бэртэри сыанаҕа таҕыстахтарын ахсын дохсун ытыс тыаһынан доҕуһуоллаатылар.
Дьээбэрэҥ түмүгүнэн оҕолорго «Бэтиэхэ — чээн кыыс» — Милана Егорова, «Бэтиэхэ — чээн уол» — Эрсан Яковлев буоллулар. Улахан дьоҥҥо «Тиэрбэс» түөлбэттэн «Бастыҥ дьахтар оруола» анал ааты Варвара Николаевна Афанасьева, «Бастыҥ эр киһи оруолун» Александр Иванович Яковлев ылан, дьоннорун үөртүлэр. Оттон «Бастыҥ көр-күлүү бөлөҕө» анал ааты «Кэскил» түөлбэ кыттыылаахтара ыллылар. Анал аат хаһаайыттара көрөөччүлэр ытыстарын тыаһынан доҕуһуоллатан статуэткаларынан, грамоталарынан наҕараадаланнылар. «Дьээбэрэҥ-2025» тохсус төгүлүн ыытыллар көр-күлүү күрэҕин кыайыылаахтарынан Арыылаах нэһилиэгин бэтиэхэ артыыстарын бөлөҕө буолла. Мукучу көрөөччүлэригэр, истиҥ истээччилэригэр бэртээхэй көр-күлүү киэһэтин бэлэхтээбит бөлөххө эҕэрдэ мааныта ананна.
Көрөөччүлэр бу киэһэ көрдөөх сыаҥкалартан дуоһуйа астынан тарҕастылар. Эһиил онус төгүлүн тэриллэр үбүлүөйдээх тэрээһиҥҥэ өссө да элбэх чаҕылхай артыыстары, сонун көрдөөх туруоруулары баҕара хаалабыт. Сылтан сыл сырдыгы сыдьаайан, кэрэни кэрэхсээн, дьээбэни-хообону тарҕатар дэгиттэр артыыстар бар дьоҥҥутун үөрдэ туруҥ, чэгиэн буолуҥ, ситиһии сиэтиилээх, үөрүү үктэллээх олохтонуҥ!
Вера Прокопьева, Мукучу, Кэбээйи.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…