Хаартыска СӨ Борокуратууратын пресс-сулууспатыттан
Соторутааҕыта Дьокуускай куорат Автодорожнай уулуссатыгар турар элбэх этээстээх таас дьиэ аттыгар бетон билиитэ сууллан, оҕо өлүүлээх быһылаан тахсыбыта. Быһылаан түмүгэр биир оҕо суорума суолламмыта, үс оҕо эт-хаан эчэйиитин ылбыттара.
Бу күннэргэ бетон билиитэ сууллан 2014 с.т. оҕо өлүүтүнэн уонна 2015, 2017 с.т. оҕолор эт-хаан эчэйиитин ылбыт быһылааннарынан Дьокуускай куорат борокуратуурата бэрэбиэркэ ыытта. Ол түмүгэр, киин куорат Автодорожнай уул. 40/9 дьиэтэ 2005 с. үлэҕэ киирбитэ, онтон 2008 с. бастакы этээскэ баар биир кыбартыыраҕа маҕаһыын аһаарылар, докумуонун киһи олорбот дьиэтигэр көһөрбүттэр диэн быһаардылар.
Салгыы бу эбийиэги хаста даҕаны атыылыы сылдьыбыттар, ол кэннэ бүтэһик атыылаһыы иннинэ аны төттөрү киһи олорор дьиэтигэр көһөрбүттэр. Эбийиэги атыыласпыт хаһаайын, урукку маҕаһыын буолан турарыгар туспа ааннаммыт кирилиэһин көтүрэргэ, биллэрии биэрбит. Онуоха биир эр киһи сөбүлэһэн аймахтарын кытары 2023 с. бэс ыйын 8 күнүгэр кирилиэс сороҕун көтүрбүттэр, ол иһигэр болгарканан кирилиэһи кытаанахтык тутан турбут туттарыытын уонна кирилиэһин быһа эрбээбиттэр. Онуоха эбии аллара уонна үөһээ тимир бетон былаһаакката миэстэтигэр хаалбыттар, аллараа билиитэтэ туттарыга суох биир атахха уйунан турбут. Кирилиэһи көтүрүү кэмигэр даҕаны, ол кэнниттэн даҕаны, хаалбыт чаастарын тула туора киһи сылдьыбатын курдук, күрүөлүүр, бобор бэлиэ оҥоһуллубатах.
Ол түмүгэр 2023 с. балаҕан ыйын 19 күнүгэр кытаанахтык туттарыллыбакка, биир атахха турбут тимир бетон былаһаакка сууллан, биир оҕо суорума суолламмыт, үс оҕо эт хаан эчэйиитин ылан балыыһа киирбит.
Борокуратуура бэрэбиэркэлээһинин матырыйаалын сэлиэстийэиир уоргаҥҥа ыытан, ол түмүгүнэн РФ ХК 216 ыст. 2 ч. (тутууну уонна атын даҕаны үлэни ыытыы кэмигэр куттал суох буолуутун быраабылатын кэһиитин түмүгэр, сэрэҕэ суох буолууттан киһи өлүүтэ тахсыыта) Холуобунай дьыала тэриллибитэ.
Бэҕэһээ суут буруйдааһыҥҥа уорбаланааччыны дьиэҕэ хаайар дьаһалы ылла. Борокуратуура управляющай хампаанньалар уонна олохтоох бэйэни салайыныы өттүттэн сокуон ирдэбилин төһө тутуһалларын бэрэбиэркэлиир үлэтин салҕыы ыытар.
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ кыайыылаахтарын биллэрэр уонна наҕараадалыыр үөрүүлээх сиэр-туом…
Быйыл тохсунньу ыйтан ахсынньы 2 күнүгэр диэри Россельхознадзор Амур уобалаһыгар уонна Саха Өрөспүүбүлүкэтигэр управлениетын иниспиэктэрдэрэ…
Бу күннэргэ Волонтер күнүн бэлиэтээн аастыбыт. Онно элбэх волонтерскай хамсааһын үтүө санаалаах, амарах дууһалаах волонтердара…
Арассыыйа Дьоруойа Геннадий Трошев аатынан кадетскай оскуола-интэринээт иитиллээччилэрэ Кириэмил Баалыгар кыттыыны ылыахтара, диэн Мииринэй улууһун…
2023 сыл тохсунньутугар ФАПК «Якутия» АУо тэрилтэтигэр утах кутар лииньийэҕэ көрөр-истэр үлэһит дьахтар эчэйбит. Үлэ…
Саха сирин дэлэгээссийэтэ Кытай Норуодунай Өрөспүүбүлүкэтигэр сырыытын чэрчитинэн СӨ Экологияҕа, айылҕаны туһаныыга уонна ойуур хаһаайыстыбатыгар…