Бөтүҥнэргэ суол — тыын боппуруос

Share

Бырабыыталыстыба отчуоттуур бастакы бөлөҕө киэһэ Бөтүҥҥэ үлэлээтэ.

Саха Өрөспүүбүлүкэтин Бырабыыталыстыбатын бэрэссэдээтэлин солбуйааччы Михаил Никифоров ситэриилээх отчуотун саҕалыан иннинэ, тыа хаһаайыстыбатыгар эҥкилэ суох үлэтин, үтүөтүн иһин Бубякин Анатолий Петровичка Махтал суругу туттарда.

Ааптар хаартыскаҕа түһэриитэ

Ол кэнниттэн Михаил Никифоров былаас ааспыт сыллааҕы үлэтин-хамнаһын, аан дойду балаһыанньатын наллаан олорон кэпсээтэ, олохтоохтор ыйытыыларыгар хоруйдаата.
«Биһиги өрөспүүбүлүкэ 409 нэһилиэгэр 100% сылдьан отчуоттуохтаахпыт. Билиҥҥитэ аҥарыгар сырыттыбыт, үлэ күүскэ барар», — диэтэ кини.

Бөтүҥ нэһилиэгин олохтоохторо өрөспүүбүлүкэ салайааччыта уу сахалыы лоп-бааччы саҥарарыттан, саас-сааһынан быһааран кэпсиириттэн астыммыттарын эттилэр. Кэпсэтии олус көхтөөхтүк барда.
Бэлиэтээн эттэххэ, боппуруос биэрээччи үксэ биэнсийэҕэ олорор дьон эбит. Нэһилиэктэрин олоҕор быһаччы кыттар, кыһаллар дьон буолан, кыһалҕаларын чопчу этиннилэр. Кинилэр өрөспүүбүлүкэ бүддьүөтэ хайдах тыырылларыттан, саҕалаан, коммунальнай өҥө иһин төлөбүр тоҕо үрдүү турарыгар, суол быстар мөлтөҕөр, оҕо уһуйаана тутуллуутугар гааһы, атын даҕаны сиртэн хостонор баайтан тоҕо дивиденд ылбаттарыгар тиийэ ыйыталастылар.

Ааптар хаартыскаҕа түһэриитэ

Бөкчөҥөө нэһилиэгин баһылыга Альберт Прокопьев мунньах түмүгэр: «Суолбут баара-суоҕа 12 км эрэ тахса, ол эрээри, сырыы аайы хаалан иһэр. Бу оҥоһуллуо, ол оҥоһуллуо диэн дьону сылаттыгыт. Ааспыт сылга улахан ардахтар түһэннэр, суолбут олох да быстан хаалар түгэннэрэ бааллара. Оччотугар, саатар, дьааманы кутар өрөмүөн үлэтин ыытаргыт буоллар. Итини болҕомтоҕо уонна хонтуруолга ылыаххытын наада», — диэтэ кини.

Ааптар хаартыскаҕа түһэриитэ

Ити боппуруос, дьиҥэ өрөспүүбүлүкэ холугар кыаллар кыахтааҕын тоһоҕолоон эттэ.
Бырабыыталыстыба бэрэссэдээтэлин солбуйааччы Михаил Никифоров түмүктүүр тылыгар бу боппуруоһу боротокуолга киллэттэрдэ.
Оттон тутуу миниистирэ Павел Кылатчанов суол тутуута олоххо киирэригэр үлэлэһэргэ эттэ.

Recent Posts

  • Сонуннар

Дмитрий Садовников: «Саха сирэ Бэрэсидьиэн этиилэрин халбаҥнаабакка тутуһуоҕа»

Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников, РФ Бэрэсидьиэнин Владимир Путин пресс-кэмпириэнсийэтин түмүктэринэн  Саха…

10 минут ago
  • Быһылаан
  • Бэрээдэк

Күнүүлээһин уонна арыгы содула ыар буруйу оҥорууга тиэрдибит

Бу сыл ахсынньы 18 күнүгэр  Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…

40 минут ago
  • Байыаннай эпэрээссийэ
  • Сонуннар
  • Уопсастыба

Дьокуускайга инбэлиит буолбут байыастарга адаптивнай картодром оҥоһуллуон сөп

Былаас бэрэстэбиитэллэрэ, бырамыысыланнас хампаанньаларын салайааччылара уонна  байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…

47 минут ago
  • Сонуннар
  • Уопсастыба

Айсен Николаев ахсынньы 23 күнүгэр Ил Түмэҥҥэ туһаайан этиитин иһитиннэриэҕэ

Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев  сыл аайы оҥоһуллар Ил Түмэҥҥэ…

60 минут ago
  • Сонуннар
  • Уопсастыба

Сылаас сыһыан, кыһамньы — кырдьаҕастарга бу дьиҥнээх үөрүү, дьол

В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…

1 час ago
  • Интэриэһинэй
  • Сонуннар

КЭПСЭЭННЭ ИСТИЭҔИҤ: Өтөх төҥүргэстээх (аудио)

sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа  Ульяна Захарова "Өтөх төҥүргэстээх"  …

2 часа ago