Хаартыска: www.sakha.gov.ru
Бүтүн Арассыыйатааҕы бибилэтиэкэ күнүгэр Саха сирин Национальнай бибилэтиэкэтигэр үгэскэ кубулуйбут «Сила книги-2024» VI сетевой эрэгийиэннэр икки ардыларынааҕы кэмипириэнсийэ буолла.
Бу сылга кинигэ ааҕааччынан Хатас орто оскуолатын 7 «в» кылааһын үөрэнээччитэ Дария Реева кытынна. Кини Михаил Салтыков-Щедрин «Коняга» айымньытыттан быһа тардан аахта. Дарья «ДТК-Центра чтения» бэриниилээх аҕааччыта уонна «Якутия 24» ханаалга «Книжная полка» рубрика «Утро Якутии» бырагыраама ыытааччыта. «Айымньылары дириҥ ис хоһоонноохтору ааҕабын. Кыра эрдэхпиттэн кинигэни ааҕарбын сөбүлүүбүн», — диэн Дария үллэһиннэ.
«Сила книги-2024» VI сетевой аахсыйа 2019 сылтан СӨ Култуураҕа уонна духуобунай сайдыыга министиэристибэтин өйөбүлүнэн Саха сирин Национальнай бибилэтикэтигэр саҕаламмыта. Онтон аахсыйаны ыытыы географията балачча кэҥээн, Карелия, Коми, Крым, Сахалин, Приморскай кыраай, Архангельскай уонна Новосибирскай уобаластар кыттар буолбуттара.
Бастакы сетевой аахсыйаҕа Ил Дархан Айсен Николаев таптыыр кинигэтиттэн быһа тардыыны ааҕан баран, В.П. Ларионов аатынан физико-техническэй лиссиэй үөрэнээччилэрин ыйытыыларыгар хоруйдаабыта.
2020 с. – быраастар, 2021 с. — учуонайдар уонна чинчийээччилэр, 2022 с. — Лучики добра» аһымал бырайыак тэрийээччилэрэ Карина Колесова ийэтинээн Натальялыын, 2023 с. — Саха сирин баһылыгын бириэмийэтин лауреата, Арассыыйа үтүөлээх бырааһа Лариса Шеелева аахпыттара.
Аахсыйа сыала-соруга — ааҕыыны өрө тутуу, бибилэтиэкэлэргэ уопсастыбаннас уонна СМИ болҕомтолорун тардыы. Сүрүн ис хоһооно — эрэгийиэн бибилэтикэтигэр былаас бэрэстэбиитэллэрэ, уопсастыбаннас санаа лидердэрэ, тапталлаах айымньы биллэр- көстөр дьонноро кинигэ ааҕаллар.
Маны таһынан Саха сирин Национальнай бибилэтикэтигэр үөрүүлээх мунньахха Саха сирин бастыҥ бибилэтиэкэрдэригэр уонна үлэһиттэригэр, меценаттарга уонна попечителлэргэ Иван Иванович Крафт аатынан Ил Дархан бириэмийэтин уонна САССР култууратын үтүөлээх үлэһитэ Татьяна Андреевна Жараева аатынан бириэмийэни эдэр исписэлиистэргэ туттардылар. Бибилэтиэкэ дьиэтигэр «Святое место — книжная страна» кинигэ быыстапката көрүүгэ турда.
Дойду Бэрэсидьиэнэ Владимир Путин дойдуга ааҕыыны үрдэтиигэ уонна литератураҕа интэриэстэрин сайыннарыыга болҕомтотун уурар.
Санатан эттэххэ, Саха сирэ 2020 сылга Бүтүн Арассыыйатааҕы «Саамай ааҕар эрэгийиэнэ» куонкурус кыайыылааҕа буолбута.
Ил Дархан уонна бырабыыталыстыба пресс-сулууспата
Бу сыл тохсунньуттан ыам ыйыгар диэри «Якутскэнергосбыт» хампаанньа 50 мөл. солк. тахса суумалаах хомунаалынай өҥөлөр…
Политолог, суруналыыс Чокуур Гаврильев ырытар.
От ыйыгар ГАИ үлэһитин тохтобулга ирдэбилин толорботох иһин ыстараап 12,5 төгүл үрдүөҕэ, ОСАГО полиһа суох…
От ыйын 1 күнүгэр Национальнай бэчээт күнэ бэлиэтэнэр. Бырабыыталыстыба дьиэтигэр сахалыы тыллаах көрдөрөр-иһитиннэрэр сириэстибэлэр үлэһиттэригэр,…
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…