Сайыына Румянцева хаартыскаҕа түһэриитэ
Уус Алдан улууһугар Өспөххө оскуола үөрэнээччилэригэр соторутааҕыта бэрт сэргэх тэрээһин буолан ааста.
Нэһилиэк бибилэтиэкэтигэр оҕолорго анаан Сталинград кыргыһыытын туһунан кэпсиир бибилэтиэкэ уруога буолла. Уруокка историяны билиһиннэриини, дьоруойдар хорсун быһыыларын туһунан оскуола үөрэнээччилэрэ улаханнык долгуйан, сэҥээрэн иһиттилэр.
Тиэмэлэринэн презентациялары үөрэнээччилэр доргуччу аахтылар. Сталинград историческай суолтатын, историяҕа киирбит түгэннэри, уот сэрии буолбут сирдэрин, хаартыскалары көрдөрөн, ситэрэн-хоторон кэпсээһин болҕомтону тарта.
Уруокпут сүрүн чааһынан Сталинград кыргыһыытыгар кыттыбыт биир дойдулаахпыт, хорсун буойун Гаврил Протодьяконов туһунан истиҥ-иһирэх кэпсэтии буолла. Ытык киһи сырдык мөссүөнэ оҕолор өйдөрүгэр-санааларыгар хатанна. Кини буойун быһыытынан көрдөрбүт хорсун быһыыта Сталинградка кыайыы иһин кыргыспыт хорсун-хоодуот дьоруойдары кытта тэҥҥэ турар.
Бу курдук бибилэтиэкэ уруоктара оҕолорго билиини-көрүүнү биэрэллэрин таһынан, кинилэр төрөөбүт дойдуларыгар бэриниилээх буолалларын күүһүрдэр, төрөөбүт Ийэ дойдунан киэн туттууну улаатыннарар. Маныаха маннык уруоктар, презентациялар төрөөбүт төрүт тылынан ыраастык саҥарары сайыннараллар.
Сайыына Румянцева,
Өспөх, Уус Алдан.
Хаартыскаларга Сайыына Румянцева түһэриитэ.
Майаҕа быйыл "Ларионов ааҕыыларыгар" өрөспүүбүлүкэ оскуолаларыттан 500 оҕо кытынна. Бүгүн саха биллиилээх учуонайа, профессор Владимир…
В.Д.Лонгинов аатынан Атамай орто оскуолатын алын сүһүөх кылааһын алта эдэр чинчийээччитэ Бүтүн Арассыыйатааҕы "Юный исследователь"…
"100% көмүскэллээхпин диэн эрэммитим": диэн күүстээх санаа баһылаабытын туһунан Арассыыйа Дьоруойа Андрей Григорьев "Россия 1"…
Дьиэҕэ олорон үлэлииргэ-үөрэнэргэ элбэхтик хамсаммат буоллахха, бу доруобуйаҕа охсуулаах буолуон сөп. Аан бастаан харах уонна…
РФ Бэрэсидьиэнэ Владимир Путин Арассыыйа норуоттарын сомоҕолоһууларын сылын үөрүүлээх быһыыга-майгыга арыйда. Тэрээһин "Россия — семья…
Аһыырбытыгар сыһыаннаах сиэр-туом туһунан билэҕин, истибитиҥ дуо? Тугу билиэхтээх, тутуһуохтаах эбиппитий? Айыы үөрэҕэ тугу этэрий,…