Хаартыска: СИА.
Саха тылын туһугар кыһаллар дьону уон биирис төгүлүн ыытыллар “Сахалыы дьыктаан” өрөспүүбүлүкэтээҕи сырдатар аахсыйаҕа ыҥыраллар. Аахсыйаны тэрийээччилэр – СӨ Национальнай бибилэтиэкэтэ уонна М.К.Аммосов аатынан Хотугулуу-Илиҥҥи федеральнай университет РФ Хотугулуу-Илиҥҥи норуоттарын тылларын, култуураларын института биир санаалаах дьоҥҥутун кытта мустан, сурукка-бичиккэ билиигитин-көрүүгүтүн бэрэбиэркэлэнэн көрөргүтүгэр ыҥыраллар.
Дьыктаан олунньу 15 күнүгэр бибилэтиэкэ түөрт былаһааккатыгар (сүрүн уонна устуоруйа дьиэлэригэр, киирии Октябрьскай уулуссанан уонна Ленин проспегынан) буолар. Тэрээһин 14:00 чаастан саҕаланар.
Хас биирдии дьыктаан суруйбут киһиэхэ кыттыбытын туоһулуур сэртипикээти туттарыахтара, оттон саамай кырааматынайдарга – дьупулуомнары уонна өйдөбүнньүк бэлэхтэри.
Киэҥ далааһыннаах аахсыйа сыллата элбэх киһини хабар, былырыын барыта 4 тыһ. тахса киһи кыттыбыта. Урукку сылларга курдук сахалыы дьыктааны өрөспүүбүлүкэ сахалыы тылынан кэпсэтэр, суруйар дьон олорор куораттарыгар барытыгар ыытыахтара.
СӨ Национальнай бибилэтиэкэтигэр аахсыйаҕа булгуччу 8 (4112) 455-855 колл-киин нүөмэринэн сурутуунан кыттыллар, миэстэтэ хааччахтаах. Бу туһунан бибилэтиэкэ саайтыгар суруйаллар.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…