Бибилэтиэкэлэри куонкуруска кыттарга ыҥыраллар

Саха сирин бибилэтиэкэлэрин федеральнай куонкуруска кыттарга ыҥыраллар. Куонкуруһу Арассыыйатааҕы судаарыстыбаннай бибилэтиэкэ ыытар. Сүрүн тиэмэтэ — Арассыыйа казачествотын култуурата уонна устуоруйата.

Өрөспүүбүлүкэҕэ бу тиэмэҕэ ураты болҕомто ууруллар. Сыл аайы араас бэстибээллэр, кэнсиэрдэр, спортивнай күрэхтэһиилэр уо.д.а. тэрээһиннэр ыытыллаллар. Саха сиригэр олохтоох казактар араас эйгэҕэ үлэлии-хамсыы сылдьаллар. Оттон Национальнай бибилэтиэкэҕэ казактар тустарынан 30-ча бөдөҥ кинигэ уонна 200 тахса ыстатыйа баар.

Бибилэтиэкэлэр куонкуруска икки хайысханан кыттыахтарын сөп: Лучшее краеведческое издание по истории и культуре российского казачества» уонна «Лучшие практики библиотек по сохранению, развитию и популяризации истории и культуры российского казачества».

Куонкурус түмүгэ балаҕан ыйыгар биллиэҕэ.