Бибилэтиэкэрдэр ыстаапка көмөлөһөллөр
24.10.2022, 18:00
Бөлөххө киир:
Саха сирин бибилэтиэкэрдэрэ #барыбииргэ эрэгийиэн ыстаабын үлэтигэр салгыы көмөлөһөллөр.
СӨ Национальнай бибилэтиэкэ үлэһиттэрэ алтынньы 17 күнүттэн мобилизацияламмыттарга көмөлөһөн өрөспүүбүлүкэтээҕи ыстаапка волонтердууллар.
Эми-тому хомуйаллар, сылаас таҥаһы-сабы, үрүссээктэри, утуйар мөһөөччүктэри, о.д.а. сааһылыыллар, Волонтердар Технопааркаҕа быстах кэмҥэ тэриллибит иис сыаҕар сылаас таҥаһы тигиинэн эмиэ дьарыктаналлар.
«Ыстаапка бибилэтиэкэ 20 сотруднига үлэлиир, волонтердар испииһэктэрэ туолан иһэр. Биһиги сыахха уопуттаах иистэнньэҥнэри күүтэбит. Кэллиэгэлэрбит ортолоругар талааннаах дьон бааллара буолуо лии саныыбын», — диэн Национальнай бибилэтиэкэттэн #барыбииргэ волонтердары салайар Раиса Колодезникова этэр.
Гуманитарнай көмөнү түмэр пуун Орджоникидзе уул. 10 №-гэр, 2-с мэндиэмэҥҥэ баар. Ыстаап күн ахсын 10:00 — 18:00 ч. диэри үлэлиир.
Национальнай бибилэтиэкэ иһитиннэриитэ
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: