Биэ сыстыганнаах кулуннааһына туох кутталлааҕый?

Бу ыарыы дойду бары сирдэринэн, ол иһигэр Саха сиригэр эмиэ тарҕаммыт ыарыы. Ыарыыны паратифознай «salmonella abortus equi» диэн бактериялар үөскэтэллэр. Бу туһунан СӨ Бэтээринээрийэ управлениетын пресс-сулууспата иһитиннэрэр.

Сыстыганнаах кулуннааһын (сальмонеллезный аборт кобыл) Саха сиригэр куһаҕан хаһыылаах, кураан дьылларга туруон сөп. Бактериялар доруобай да сылгылар оһоҕосторугар, үөстэрин тымырдарыгар олохсуйан сылдьыахтарын сөп. Куһаҕан хаһыыга сылдьан биэлэр ыран бардахтарына, ити бактериялар төрөөн-ууһаан, биэни кулуннатыахтарын сөп.

Ыарыыны сыстыганнаах ыарыыттан кулуннаабыт биэ тарҕатар. Биэттэн тохтор ууну-хааны, уөскэҕи, кэнэҕэскини кытта мөлүйүөнүнэн бактерия тахсан тас эйгэни сутуйаллар. Кээспит биэ 60 хонук устата бактерияны таһаара сылдьар.Үксүгэр эдэр биэ кулуннуур.

Ыарыыны сэрэтэр сүрүн дьаһалларынан буолаллар:

• Уулаах биэ эмис-тот буоларын ситиһии (дьыл туругуттан көрөн эбии аһылыкка киллэрии);
• Кулуннаабыт биэни булан эмтээһин. Кэнэҕэскитин анализтатааһын;
• Аныгы наука сайдыытынан туһанан, анал кээһии утары вакцинаны бэрдэрии.

Вакцина биэлэргэ кулуннааһын утары иммунитет үөскэтэр. «Иитэр биэлэрбит кулуннууллара тустаах хаһаайыстыбаҕа экэнэмиичэскэй хоромньу таһааралларын умнумуохха. Сыспай сиэллээхпит сыл аайы үксүү туралларыгар туруулаһан, сыстыганнаах кулуһуннааһын утары вакцинация оҥотторуохха!», — диэн СӨ Бэтээринээрийэ управлениета ыҥырыы ыытта.