Биэнсийэ муҥутуур баалын ыларга төһө хамнас наадатын быһаардылар

2026 сылга биэнсийэ муҥутуур баалын ыларга Арассыыйа олохтоохторугар ыйга кырата 248 тыһыынча солкуобай хамнас наада буолуоҕа.

Бу туһунан Социальнай пуонда Псковтааҕы салаатын урукку салайааччыта, сенатор Наталья Мельникова РИА Новости кэпсээтэ.

Кини этэринэн, кэлэр сылга страховой усунуостары ааҕарга анаммыт муҥутуур суума  сылга 2,979 мөлүйүөн солкуобайга тэҥнэһиэҕэ, ол аата ыйга 248 250 солкуобай киирэр дохуот буолар. Чуолаан маннык таһымнаах хамнаска гражданнар биэнсийэ муҥутуур биирдиилээн коэффициеннарын (ИПК) ылыахтарын сөп. Мельникова санаппытынан, биир сыл иһигэр 10-тан элбэх  баалы ылар кыаллыбат. Кини маны таһынан кэлэр өттүгэр биэнсийэ хайдах ааҕылларын холобурдаата. Ол курдук, 37 сыл үлэ ыстаастаах уонна муҥутуур кээмэйдээх хамнастаах (сылга 10 ИПК) киһи страховой биэнсийэтин кээмэйэ быһа холоон 67 585 солкуобай буолуоҕа. Сенатор чуолкайдаабытынан, маннык суума мунньуллубут биэнсийэ баалларын 2026 сыллааҕы сыанатыгар — 156,76 солкуобайга төгүллээн, онно эбии 9 584,69 солкуобай кээмэйдээх төлөбүрү эбэн таһаарыллар.