Биэнсийэ пуондатын үлэһиттэрэ буолан кубулуналлар

РФ ИДьМ иһитиннэрэр-коммуникационнай технологиялары сокуону кэһэн туһаналларын утары охсуһар управлениета иһитиннэрбитинэн, түөкүттэр Биэнсийэ пуондатын үлэһиттэрэ буолан кубулунан,  «Госуслугаҕын» алдьатан эрэллэр диэн аҕам саастаах дьону уолутан, харчыларын уоран эрэллэр.

Бастаан биэнсийэлээх киһиэхэ Биэнсийэ пуондатын үлэһитэбин диэн билбэт киһитэ эрийэр. Түөкүн гражданин толору аатын-суолун уонна аадырыһын толору ыйан баран, «Госуслугатын» аккаунун алдьаппыттарын эбэтэр блокируйдаабыттарын туһунан иһитиннэрэр, диэн ТАСС этэр. Ол кэннэ тус страницаҕар киирэргин төнүннэриэхтэрэ диэн, эмсэҕэлээбит киһиэхэ тэхиньиичэскэй өҥө төлөпүөнүн нүөмэрин биэрэллэр.

Салгыы атын түөкүн тэхиньиичэскэй сулууспа аатыттан эрийэр уонна “Госуслугаттан” дааннайдаргын ыла сатаабыттар, онон полицияҕа биллэрэ тарт диир.

Сотору кэминэн биэнсийэлээх киһилиин аны «быраабы араҥаччылыыр уорган үлэһитэ» сибээстэһэр уонна харчытын күрэтэр сыалтан куттала суох счекка көһөрөрүгэр этии киллэрэр.

Ис Дьыала министиэристибэтэ Арассыыйа олохтоохторун сэрэхтээх буоларга ыҥырар.