Биэнсийэ уонна босуобуйа төлөбүрүн кыраапыга таҕыста

Ахсынньы ыйга Саха сирин олохтоохторо оҕо босуобуйатын уонна биэнсийэни ханнык күннэргэ ылалларын туһунан Социальнай пуонда Саха сиринээҕи салаата иһитиннэрдэ.

Ахсынньы 3 күнүгэр бааннар нөҥүө түһүөҕэ:

• – 17 саастарыгар диэри оҕолорго уонна хат дьахталларга биир кэлим босуобуйа;
• – хат буолууга уонна оҕо төрөөһүнүгэр босуобуйа;
• – үлэлээбэт төрөппүттэргэ 1,5 сааһыгар диэри оҕону көрүүгэ-харайыыга босуобуйа;
• – байыаннай сулууспалаах оҕотугар босуобуйа.

Ахсынньы 5 күнүгэр — ийэ хапытаалыттан ый аайы төлөнөр төлөбүр.

Ахсынньы 8 күнүгэр — үлэлиир төрөппүттэргэ 1,5 сааһыгар диэри оҕону көрүүгэ-харайыыга босуобуйа.

Оҕо босуобуйатын төлөөһүн саҥа ыйга ааспыт ый иһин оҥоһуллар. Улуустарга биэнсийэни буоста салааларынан тиэрдии уонна төлөөһүн, ону таһынан кирэдьииттиир тэрилтэлэр нөҥүө, бигэргэтиллибит кыраапык быһыытынан барыаҕа.