Хаартыска: ЯСИА
Кэлэр сыл бүтүүтүгэр биэнсийэ орто кээмэйэ 27 117 солкуобай буолуоҕa. Ону таһынан, тиийинэн олоруу алын кээмэйэ 18 939 солкуобайга диэри үрдэтиллиэҕэ, хамнас алын кээмэйин түргэтэтиллибит үрдэтиитэ салҕаныаҕа. Бу туһунан ТАСС иһитиннэрэр.
2026 сыллаахха хамнас алын кээмэйэ 27 093 солкуобай буолуоҕа, оттон 2030 сылга диэри бу көрдөрүүнү 35 тыһыынча солкуобайга тиэрдэр былааннаахтар. Бу кыра дохуоттаах үлэһиттэр хамнастарын үүнүүтүн түргэтэтиэҕэ.
2026 сылга уонна 2027, 2028 сыллардааҕы былааннанар кэмҥэ федеральнай бүддьүөт бырайыагын туһунан алтынньы 6 күнүгэр Федерация Сэбиэтигэр ыытыллыбыт парламенскай истиилэргэ үп миниистирэ Антон Силуанов сиһилии кэпсээтэ. Бүддьүөт бырайыагын сиһилии быһааран, Антон Силуанов 2026 сылга национальнай экэниэмикэҕэ ороскуот 4,8 триллион солкуобайга диэри улаатыаҕын, ол иһигэр урутаан көрүллэр хайысхаларга – микроэлектроника, робототехника, станок оҥоруутун сайыннарыыга 2,5 триллион кэриҥэ солкуобай көрүллүбүтүн бэлиэтээтэ.
Сүҥкэн үп-харчы тырааныспар инфраструктураны хааччыйыыга туһаайыллыаҕа: суол пуондатын кээмэйэ урут былааннаммыт көрдөрүүлэри куоһаран, үс сыл иһигэр 4,6 триллион солкуобай буолуоҕа.
«Эрэгийиэннээҕи суол улахан бырайыактарыттан Саха сиригэр Өлүөнэ эбэни туоруур күргэни, Санкт-Петербургдааҕы киэҥ далааһыннаах магистралы, М-12 «Восток» суолу Екатеринбурга диэри салгыы тутууну, Джубгаттан Сочи куоракка диэри сорох учаастактары олоххо киллэриини саҕалааһыны бэлиэтиэм», – диэн үп миниистирэ чуолкайдаата.
Ааспыт нэдиэлэҕэ Саха сиригэр түөкүттэр буруйдаах дьайыыларыттан 8 киһи эмсэҕэлээтэ. Уоруллубут үп-харчы уопсай суумата 8…
Улууска быйыл тэриллибит Уус Алданнааҕы социальнай кэлим киин (салайааччы Сергеев И.И.) оҕо төрүөҕүттэн сокуоннай сааһын…
Байыаннайдарга уонна судаарыстыбаннай сулууспалаахтарга хамнастарын үрдэтиэхтэрэ, дьоҕус уонна орто биисинэс бас билээччилэрэ кирэдьииккэ болдьоҕу көһөрүүнү…
Харчыны иэс ылан баран бырыһыан төлөөбөт буолуу — кирэдьиит каартатын сөпкө дьаһаннахха, толору кыаллар суол.…
Арассыыйаҕа, официальнай дааннайдарынан, мөлүйүөнүнэн үлэлээбэт эрээри үлэлиир кыахтаах гражданнар бааллар. Кинилэр мэдиссиинэнэн хааччыллыыларын иһин официальнайдык…
Балаҕан ыйын 20 күнүттэн «Курдигино-Крестовая» уонна «Чайгургино» эркээйи сирдэргэ үрүҥ эһэлэри күһүҥҥү кэтээн көрүү саҕаланна.…