Мария Васильева хаартыската, ЯСИА.
Арассыыйа олохтоохторугар биэнсийэҕэ тахсыахтарын инниттэн биэнсийэлэрин мунньуллуутун туругун кэтииллэригэр уонна тус бэйэлэрин счеттарыттан быыпысканы ыйытан ылан, наада буоллаҕына тиийбэт сибидиэнньэлэри толорон биэрэллэригэр сүбэлииллэр. Бу туһунан РФ Социальнай пуондатын пресс-сулууспата иһитиннэрдэ.
«Социальнай пуонда исписэлиистэрэ мунньуллар биэнсийэни хонтуруоллуур сыалтан быыпысканы кэмиттэн кэмигэр ыйытан ыларга, оттон ханнык эмит информация тиийбэт буоллаҕына, үлэ биэрээччигэ туһаайарга сүбэлииллэр», — диэн биэдэмистибэҕэ кэпсээтилэр. Иһитиннэриини РИА Новости тарҕатта.
Быыпысканы «Госуслуги» портаал нөҥүө «Биэнсийэ уонна босуобуйа» сигэҕэ киирэн сакаастыахха сөп. Оччоҕо электроннай докумуон туһанааччы тус кабинетыгар ыытыллар.
Дьоҥҥо табыгастаах буоллун диэн, Социальнай пуонда 45 саастарын туолбут эр дьону уонна 40 саастарын ааспыт дьахталлары кэлэр биэнсийэлэрин мунньуллубут кээмэйин туһунан бэйэтэ эрдэттэн иһитиннэрэр. Салгыы маннык иһитиннэриилэр үс сылга биирдэ ыытыллаллар.
Бу иннинэ Социальнай пуондаҕа иһитиннэрбиттэринэн, РФ 10 эрэгийиэнигэр биэнсийэ төлөбүрүн орто кээмэйэ 30 тыһыынча солкуобайы куоһарбыт. Ордук үрдүк көрдөрүүлэр Чукоткатааҕы автономиялаах уокурукка бэлиэтэннилэр, онно орто биэнсийэ 39 тыһыынча солкуобайга чугаһыыр диэн «Царьград» суруйар. Онуоха, үлэ ырыынагар каадыр тиийбэтин үрдүнэн, бырабыыталыстыба биэнсийэ сааһын уларытыыны былааннаабат.
Олунньу 10 күнүгэр Аллараа Кураанахха СӨ Бырабыыталыстыбатын Бэрэссэдээтэлэ Кирилл Бычков судаарыстыбаннай былаас толорор уорганнарын үгэс…
Алтынньы 1 күнүттэн Арассыыйа үрдүнэн гаас атыыга сыаната, бырамыысыланнас уонна нэһилиэнньэ курдук туһанааччылар бары категорияларыгар,…
Хотугулуу-Илиҥҥи федеральнай университет (ХИФУ) учуонайдара ыҥырыа бородуукталарыттан уонна эмтээх оттортон оҥоһуллар косметиканы кэҥэтэр былааннаахтар. Бу…
Саха сиринээҕи Росгвардия управлениетын официальнай саайтыгар 14.rosguard.gov.ru байыаннай дьайыыга сэби-сэбиргэли туттарар туһунан иһитиннэриилэри хомуйар онлайн…
Бүгүн, олунньу 11 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Олунньу саҕаланыытыгар Күҥҥэ кэнники сылларга буолбатах күүстээх эстиилэр бэлиэтэннилэр. Учуонайдар хас да улахан эстии туһунан…