Хаартыска: ЯСИА, Мария Васильева
Госдуумаҕа бу күннэргэ биэнсийэҕэ тахсыах иннинээҕи саастаах дьон үлэтэ суох хааллахтарына, босуобуйа төлөнөрүн хааччыйар сокуон барылын киллэриэхтэрэ. Бу сокуон барылын «Справедливая Россия — За правду» баартыйа дьокутааттарын бөлөҕө киллэрэрин туһунан ТАСС суруйар.
Билигин биэнсийэҕэ тахсыах иннинээҕи саастаах киһи үлэтиттэн ууратылыннаҕына, босуобуйа 12 ый устата эрэ төлөнөр. Оттон бу сокуон барыла олоххо киирдэҕинэ, босуобуйа биэнсийэҕэ тахсыах иннинээҕи саастаах киһи үлэ булуор, эбэтэр, биэнсийэҕэ тахсыар диэри төлөнүөхтээх.
«Справедливая Россия — За правду» баартыйа салайааччыта Сергей Миронов этэринэн, биэнсийэҕэ тахсыах иннинээҕи саастаах дьон нэһилиэнньэ биир көмүскэлэ суох, кыаммат араҥата буолар, тоҕо диэтэр, үлэни сарбыйыыга элбэхтик түбэһэллэр уонна саҥа үлэ булалларыгар үгүс ыарахаттары көрсөллөр.
— Ким да босуобуйаҕа эрэ эрэнэн, быар куустан олоруо суоҕа дии саныыбын, билиҥҥи үйэҕэ аҥаардас босуобуйаҕа эрэ киһи сатаан олорбот. Маны тэҥэ, биэнсийэҕэ тахсалларыгар ыстаас наада. Ол эрээри, бу босуобуйа киһи ыарахан кэмигэр өйүүр миэрэ буолуоҕа, — диэн кини эттэ.
Бүгүн Ем.Ярославскай аатынан хотугу норуоттар култуураларын уонна историяларын холбоһуктаах судаарыстыбаннай түмэлигэр саха балаҕаныгар истиҥ-иһирэх тэрээһин…
Сарсын, ахсынньы 25 күнүгэр, Москва бириэмэтинэн 10:00 чааска, Ил Дархан Айсен Николаев өрөспүүбүлүкэ 2025 сыллааҕы…
«Нелегальнай мигрант» эпэрээссийэ чэрчитинэн, полиция үлэһиттэрэ, Арассыыйа ФСБ-тын Саха сиринээҕи салаатын, Арассыыйа ИДьМ хотугулуу-илиҥҥи линиэйнэй…
Сэрэтэр дьаһаллар чэрчилэринэн полицейскайдар арыгылаах бородууксуйаны сокуону кэһэн атыылааһын биэс түбэлтэтин быһаардылар. Ол курдук, Петр…
Быраастар 30 саастаах дьахтар иһиттэн олус улахан кистаны эпэрээссийэлээн ылбыттар. Дьахтар иһэ 9 ыйдаах хат…
Бэҕэһээ, ахсынньы 23 күнүгэр, Дьокуускай куорат историятын түмэлигэр «Зима. Магия света» диэн ааттаах быыстапка аһыланна.…