Биэнсийэҕэ тахсыбыт уонна тахсаллара чугаһаабыт дьону саҥа идэҕэ босхо бэлэмниэхтэрэ

Биэнсийэҕэ тахсаллара чугаһаабыт дьон саҥаттан үөрэнэллэрин, бэлэмнэниини ааһалларын туһугар РФ Бырабыыталыстыбата квалификацияны үрдэтии анал бырагырааматын оҥордо. Ол эбэтэр биэнсийэҕэ тахсара чугаһаабыт киһи аныгы кэмҥэ наадалаах үөрэҕи эбии ылар.

Саха сиригэр Нэһилиэнньэни дьарыктаах оҥорор Госкэмитиэккэ эппиттэринэн, 2024 сыл бастакы аҥаарыгар өрөспүүбүлүкэҕэ 50 уонна онтон  үөһэ саастаах алта киһи билиҥҥи үлэ ырыынагын ирдэбилигэр сөп түбэһэр бырагырааманан үөрэнэ сылдьаллар: ыарыһаҕы көрөр-истэр алын медсиэстэрэлэр, погрузчик суоппардар, бульдозер массыныыстар, “С” категория суоппардара уонна каадыр исписэлиистэрэ. Былырыын биэнсийэҕэ тахсаллара чуһаһаабыт 82 киһи бэркэ үөрэнэн бүтэрбиттэр.

Кинилэр босхо үөрэнэллэр, үөрэхтэрин болдьоҕо ортотунан үс ый кэриҥэ, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.