«Биэнсийэҕэ» тахсыбыт ыттары дьоҥҥо ииттэрэ биэриэхтэрэ

Ис дьыала министиэристибэтин Саха сиринээҕи салаатын Кинологическай сулууспатын киинэ бочуоттаах сынньалаҥҥа, ол эбэтэр «биэнсийэҕэ» тахсыбыт икки ыты иитэ ылыан баҕалаах дьоҥҥо босхо биэрэр.

Бу туһунан СӨ ИДьМ пресс-сулууспата иһитиннэрэр.

Эльга диэн немец овчарката уонна Шакира английскай кокель-спаниель дьиэ кэргэҥҥит бэриниилээх доҕорунан уонна үчүгэй харабылынан буолуохтара.

Бу ыттар сулууспаларын тухары буруйдаахтары, сүппүт дьону көрдөөһүҥҥэ, наркотигы булууга, уопсастыбаннай бэрээдэги көрүүгэ үлэлээбиттэрэ, буруйдаахтары уонна буруйдааһыҥҥа уорбаланар дьону арыаллааһыҥҥа көмөлөспүттэрэ.

Сулууспалаах ыттар уонна хайдах быһыылаахтык бэриллэллэрин туһунан сиһилии билиэххитин баҕарар буоллаххытына Ис дьыала министиэристибэтин Киин хонтуруоллуур сулууспатын кытаыр сибээстэһиҥ: Дьокуускай к. Очиченко уул. 1/2а, төлөпүөн: 454976, 454864.