Биэнсийэҕэ тахсыбыттарга эбии төлөбүр оҥоһуллуон сөп

2015 сыл тохсунньу 1 күнүгэр диэри биэнсийэҕэ тахсыбыт Арассыыйа олохтоохторугар оҕолору иитэллэригэр эбии төлөбүр көрүллүөн сөп. Ол туһунан «Российская газета» суруйар. 

Экспертэр этэллэринэн, эбии төлөбүр (надбавка) кээмэйэ ааҕыллыахтаах бааллартан тутулуктаах. Ол эбэтэр, бастакы оҕоҕо биир сылга —  1,8 баал, балтараа сылга 2,7 буолуон сөп.

Биэнсийэҕэ маннык эбиллии  икки уонна онтон элбэх оҕону төрөпппүт,  оҕолорун көрөрүгэр үлэлээбэтэх, онтон билигин кыра үлэ ыстаастаах киһиэхэ бэриллэр.

Төлөбүрү оҥорторорго социальнай пуонда,  МФЦ,  «Судаарыстыбаннай өҥөлөр» портал, «Арассыыйа почтата» (биирдэстэригэр)  нөҥүө сайабылыанньа суруйуохха сөп .