https://t.me/tprocsakha
СӨ Дьокуускай куоратын борокуратуурата бэрэбиэркэ ыытан, 68 саастаах куорат олохтооҕо төлөпүөн нөҥүө үлэлиир түөкүннэр албыннарыгар киирэн биэрбитин быһаарда.
Биллибэт дьоннор дьахтары албыннаан, эмсэҕэлээччи баанын сыһыарыытын ыраахтан олорон салайар кыаҕы ылбыттар. Түөкүннэр биэнсийэлээх дьахтар аатыгар 1,8 мөлүйүөн солкуобай суумалаах кирэдьиит оҥотторбуттар уонна ол харчыны биллибэт счеттарга көһөрбүттэр.
Борокуратуура дьахтар интэриэһин көмүскээтэ. Суут мунньаҕар кэтээн көрөр биэдэмистибэ бэрэстэбиитэлэ биэнсийэлээх дьахтар кирэдьиит дуогабарын түһэрсэргэ, кирэдьиит харчытын ыларга уонна харчынан операциялары оҥорорго бэйэтин көҥүлэ, баҕата суоҕун дакаастаабыт. Ону таһынан, кирэдьиит дуогабарын усулуобуйаларын уонна атын докумуоннары тэйиччиттэн баан өҥөтүн оҥорор быраабыланан илии баттыан иннинэ билсибэтэҕин быһаарбыт. Дьахтар баантан кирэдьиит харчытын туппатах. Суут борокуруор этиилэрин кытта сөбүлэһэн, кирэдьиит дуогабара күүһэ суоҕунан билиниллибит уонна кирэдьиит иэһэ сотуллубут, диэн СӨ Борокуратууратын пресс-сулууспата иһитиннэрэ.
Ахсынньы 8 күнэ үүнэр түүнүгэр быыһааччылар Дьокуускай аттыгар ойуурга муммут дьону буллулар. Бу туһунан Быыһыыр…
Эһиил муус устар 1 күнүттэн социальнай биэнсийэлэри уонна судаарыстыбаттан бэриллэр биэнсийэлэри 6,8% үрдэтиэхтэрэ. Бу туһунан…
«Почта России» Саҥа дьыллааҕы бырааһынньыктар иннилэринэ биэнсийэни уонна социальнай төлөбүрдэри тиэрдии бэрээдэгин туһунан иһитиннэрэр. Ахсынньы…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдиир үлэ тохтоло суох барар. Бүгүҥҥү…
«Жатай» куорат уокуругун 1 №-дээх орто уопсай үөрэхтээһин оскуолатыгар Аҕа дойду Дьоруойдарын күнүн көрсө, Арассыыйа…
Арассыыйа сорох туһанааччылара Windows 11 операционнай система саҥардыытын туруоруммуттарын кэннэ, «күөх экран» (Blue Screen of…