Хаартыска: ЯСИА
Силиэдэбэтэллэр тэйиччиттэн олорон түөкүннээһининэн дьарыктанаары тэриллибит бөлөх икки кыттааччытын холуобунай дьыалатын түмүктээтилэр. Манна Краснодарскай кыраай 19 уонна 33 саастаах олохтоохторо буруйданаллар диэн СӨ ИДьМ пресс-сулууспата иһитиннэрэр.
Силиэстийэ дааннайдарынан, 19 саастаах киһи «дроповод» буолан, дьон сим-каарталарын уонна бааннарын реквизиттэрин хомуйан Краснодарга баар киһиэхэ ыытар эбит. Оттон ол киһи «обнальщик» буолан, уоруллубут харчыны терминалтан устан куратордарга тиэрдэр үлэлээх. Хас биирдии уорууттан 5-тии тыһ.солк. хамнастаналлар эбит.
Бу курдук кинилэр Дьокуускай 68 саастаах олохтооҕо дьахтар харчытын суйдаабыттар. Бу сыл олунньутугар түөкүттэр киниэхэ эрийэн, электросчетчик уларытар тэрилтэ үлэһиттэрэбит диэбиттэр. Онон биэнсийэлээх дьахтар тус дааннайдарын ылбыттар. Салгыы «Госуслугалар» порталга дьахтар аккаунун арыйан киирбиттэр уонна 3,5 мөл.солк. атын счекка ыытарыгар эппиттэр.
Быраабы утары хамсаныылары Саха сиринээҕи ИДьМ үлэһиттэрэ тохтоппуттар. Кинилэртэн элбэх сим-картаны, суотабай төлөпүөнү, баан каарталарын булбуттар. Силиэстийэлиир дьайыылар кэннилэриттэн бу дьону Саха сиригэр аҕалбыттар.
Холуобунай дьыала матырыйааллара суукка ыытыллыбыттар.
Аҕа дойду Улуу сэриитин кыттыылааҕа Егор Балбахов, анал байыаннай дьайыы кыттыылаахтара Айаал Балбахов, Валентин Кутейкин…
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…