Биэнсийэлээх дьахтартан харчытын уорбут
01.02.2025, 14:27
Хаартыска: Мария Васильева, СИА.
Бөлөххө киир:
Бу күннэргэ Ис дьыала министиэристибэтин Ньурба оройуонунааҕы дьуһуурунай чааһыгар счетуттан харчытын уордарбыт биэнсийэлээх дьахтартан сайабылыанньа киирбит.
Полицейскайдар суһал-ирдиир үлэ кэмигэр, туһааннаах түбэлтэнэн, 27 саастаах уорбаланааччыны туппуттар. Ол курдук уорбаланааччы биэнсийэлээх дьахтарга ыалдьыттыы кэлэн, бииргэ арыгы испиттэр. Хаһаайка утуйан хаалбытын кэннэ уорбаланааччы биэнсийэлээх төлөпүөнүгэр онлайн-баан сыһыарыыга киирэн, 9 960 солк. уорбут. Уоруйах баан паролун эрдэ бэлиэтии көрбүт эбит.
Уорбут харчытын дьахтар бэйэтин наадатыгар туттубут.
Билигин киниэхэ РФ Холуобунай кодексын 158 ыст. 3 чааһынан холуобунай дьыала көбүтүллүбүт.
+1
+1
+1
+1
+1
4
+1
1
+1
3
Сообщить об опечатке
Текст, который будет отправлен нашим редакторам: