Биэнсийэлээх дьахтары дьиэтин подъеһыгар халаатылар

Дьокуускайга элбэх кыбартыыралаах дьиэ подъеһыгар биэнсийэлээх дьахтары халаабыттар. Саба түһээччи эмсэҕэлэнээччини баан офиһыгар бэлиэтии көрөн, дьиэтигэр диэри батыһан тиийбит.

Батыһан, кини олорбут оптуобуһугар олорсон, дьиэ подъеһыгар тэҥҥэ киирсибит. Лииптэн тахсыыга халааччы саастаах дьахтар илиититтэн суумкатын сулбу тардан ылбыт. Саха сиринээҕи ИДьМ пресс-сулууспатыгар иһитиннэрбиттэринэн, суумкаҕа баан каартата уонна 2600 солк. уу харчынан баар эбит.  Буруй оҥоһуллуутун, дьолго, былаһааккаҕа (лестничная площадка) ыйаммыт кэтээн көрөр камера устубут. Полиция үлэһиттэрэ буруйданааччыны суһаллык булбуттар. Бу эрдэ халаан, уоран уонна массыынаны илдьэ баран (угон) сууттана сылдьыбыт 29 саастаах эр киһи эбит. Буруйу оҥорооччу суумканы аара суолга бырахпыт, харчыны туһаммыт. Дьахтар баанын каартатын тута блокировкалаабыт. Тустаах быһылаанынан Холуобунай дьыаланы тэрийбиттэр.

СИА.