Биэнсийэлээх доҕорун өлөрбүтүнэн холуонньаҕа хаайыллыаҕа

Сунтаар оройуонун суута улуус 68 саастаах олохтооҕун РФ ХК 105-с ыст. 1-кы чааһынан (киһини өлөрүү) көрүллүбүт буруйу оҥорбутунан буруйдааҕынан билиннэ, диэн СӨ Сууттарын холбоһуктаах пресс-сулууспата иһитиннэрэр.

2025 сыл атырдьах ыйыгар, эр киһи дьиэтигэр доҕорун кытта арыгы испиттэр. Остуол тула олорон доҕордуулар тыл-тылга киирсибэккэ, дьиэ хаһаайына бэйэтин дьайыытын уопсастыбаҕа кутталлааҕын уонна сокуону кэһэрин өйдөөн туран, киһи олоҕор туһаайарын билэ-билэ, киниэхэ түөһүн туһаайан биирдэ быһаҕынан анньыбыт. Сууттанааччы сокуону кэһэр дьайыытын түмүгүнэн, эмсэҕэлээччи түөһүн хаҥас өттүн уҥуоҕун иннинэн  анньыллыбыт-быһыллыбыт бааһырыыны ылбыт. Сүрэх хаата, сүрэх хаҥас  эркинэ алдьанан, элбэх хаан барыытыттан доруобуйаҕа ыар эчэйии оҥоһуллубут. Сотору кэминэн доҕоро буруйу оҥоруу буолбут сиригэр тыына быстыбыт. Суут бары дакаастабыллары ымпыгар-чымпыгар диэри ырытан баран, сууттанааччы  буруйу оҥорбута дакаастаммыт диэн түмүккэ кэллэ. Суут бириигэбэринэн эр киһи буруйдааҕынан билинилиннэ уонна киниэхэ 7 сыл болдьоххо көҥүлүн быһыы эппиэтинэһэ ананан, дьыалатын кытаанах эрэсиимнээх көннөрөр холуонньаҕа боруостааһыҥҥа ыытыллыахтаах. Бириигэбэр сокуоннай күүһүгэр киирэ илик.