Биэнсийэлээх киһини албыннаан төлөпүөнүн уорбуттар

ИДьМ “Якутское” 1-кы нүөмэрдээх полиция салаатыгар: “Билбэт киһим албыннаан төлөпүөммүн уорда”, — диэбит  биэнсийэлээх киһи уонна сайабылыанньа суруйбут. Хоромньу кээмэйэ 18 тыһ. солк.тэҥнэспит.

Тустаах полиция салаатын үлэһиттэрэ суһал-көрдүүр тэрээһиннэри ыытыыларын түмүгэр, урут сууттана сылдьыбыт 25 саастаах киһини булбуттар.

Тутуллубут киһи Кеша Алексеев уулуссаҕа баар маҕаһыыҥҥа сылдьан, төлөпүөннэһиэм этэ диэн саастаах киһиттэн төлөпүөнүн уларсыбыта биллибит. Биэнсийэлээх уоруо эрэ дии санаабакка төлөпүөнүн уларсыбыт, киһитэ таһырдьах тахсан баран, оҕонньор көрбөтүн билбит уонна тута саһан хаалбыт. Уорбаланааччы төлөпүөнү ломбардка туттарбытын билиммит, онтон киирбит харчыны бэйэтин баҕатынан туттан кэбиспит. Бу түгэнинэн Холуобунай кодекс 159-с ыст. 2-с ч. түөкүннээһиҥҥэ холуобунай дьыала тэриллибит, уоруйах киһийдэх 5 сылга диэри бырааба быһыллыан сөп. Бу туһунан ИДьМ пресс-сулууспата иһитиннэрэр.