Хаартыска -- Мария Васильева / СИА
Саха сиригэр 27 440 төрөппүт оҕолорун иитэллэригэр үрдэтиллибит биэнсийэни ылаллар диэн Социальнай пуонда Саха сиринээҕи салаата иһитиннэрэр.
Бу төлөбүр үлэлиир уонна үлэлээбэт биэнсийэлээхтэргэ бэриллэр. Кинилэр кырдьар саастарынан эбэтэр инбэлииттэринэн биэнсийэни ылар буолуохтаахтар.
Биэнсийэҕэ эбии төлөбүр ананар, өскөтүн:
— 18-гар диэри саастаах оҕону иитэр буоллаҕына;
— 23-гэр диэри саастаах устудьуону иитэр, үөрэттэрэр буоллаҕына;
— 18-гар диэри инбэлиитинэн билиниллибит, 23-тэн аҕа саастаах оҕотун иитэр буоллаҕына.
Үрдэтиллибит төлөбүрү аныырга дьиэ кэргэн үс үлэлээбэт чилиэнин учуоттууллар.
2024 сылга төлөбүр кээмэйэ маннык:
— биир оҕоҕо 2711 солкуобай;
— икки оҕоҕо 5423 солкуобай;
— үс оҕоҕо 8134 солкуобай.
Бу кээмэйгэ биэнсийэлээх олорор сиринэн оройуон коэффициена эбиллэр.
Сайабылыанньаны «госуслуги» портал нөҥүө эбэтэр Социальнай пуонда чугастааҕы салаатыгар биэриэххэ сөп. Өскөтүн биэнсийэлээххэ иитиллэр оҕо 2024 сыл тохсунньу 1 күнүн кэнниттэн төрөөбүт буоллаҕына, сайабылыанньа суруйар ирдэммэт.
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна. Көмөнү үс…
А.С.Пушкин аатынан Нуучча тылын судаарыстыбаннай института 2024 сыл тылынан "Пушкин" диэн тылы ааттаата. Бу туһунан…
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…
2024 сылга "Култуура" национальнай бырайыагынан 5 муниципальнай модельнай бибилэтиэкэлэри киллэрдилэр. Бу иннинэ 35 маннык бибилэтиэкэни…
Cахалыы тыллаах саамай кырдьаҕас "Чолбон" сурунаал сэтинньитээҕи нүөмэригэр кэрэхсээҥ: Саха сирин суруйааччыларын сойууһун 90 сылын…