Биэнсийэлээхтэр тырааныспар нолуогар чэпчэтиинэн туһаналлар дуо?

Share

Биэнсийэлээхтэргэ тырааныспар нолуогун төлөөһүҥҥэ чэпчэтии баар дуо?

Нолуок федеральнай сулууспатын Саха сиринээҕи салалтатын судаарыстыбаннай өҥөлөргө отделын сүрүн иниспиэктэрэ Елена Слепцова маннык хоруйдаата:

— РФ Нолуокка кодексатын тырааныспарка нолуогар анал чэпчэтиилэри олохтообот. Ол эрээри өрөспүүбүлүкэҕэ “Саха Өрөспүүбүлүкэтин нолуокка бэлиитикэтин туһунан” 2013 с. 07.11 күнүнээҕи 1231–З № 17-V (ред. 30.11.2022г.) сокуон туһаныллар.

Бу сокуоҥҥа олоҕуран тырааныспар нолуогуттан маннык дьон босхолоноллор: :

1) Сэбиэскэй Сойуус Дьоруойдара, Арассыыйа Федерациятын Дьоруойдара, Албан аат уордьан толору кавалердара – кинилэргэ регистрацияламмыт тырааныспар биир тэрилигэр;

2) инбэлииттэр уонна инбэлиит оҕолор сокуоннай бэрэстэбиитэллэрэ — кинилэргэ регистрацияламмыт тырааныспар биир тэрилигэр ;

3) РФ Арктика түөлбэтигэр киирэр Саха Өрөспүүбүлүкэтин муниципальнай тэриллиилэригэр олорор сирдэринэн регистрациялаах физическэй сирэйдэр;

4) элбэх оҕолоох дьиэ кэргэҥҥэ төрөппүттэртэн биирдэстэрэ (иитэ ылбыттар) нолуогу төлөөччү талыытынан тырааныспар тэрилэ регистрацияламмыт биир киһитэ, ыарахан сыаналаах массыыналартан уратыларга;

5) физическэй сирэйдэр уонна биирдэм урбаанньыттар, тырааныспар тэрилигэр ааҕыллыбыт нолуок сууматын 50 бырыһыаныгар, убатыллыбыт углеводороднай гааһы, убатыллыбыт айылҕа гааһын мотуор уматыгын быһыытынан туһанааччылар;

6) кинилэр ааттарыгар регистрацияламмыт биир тырааныспар тэриллээх бойобуой дьайыы бэтэрээннэрэ, ыарахан сыаналаах массыыналартан уратыларга;

6) Саха Өрөспүүбүлүкэтигэр РФ аҕыйах ахсааннаах төрүт норуоттарын түөлбэлээн олорор уонна төрүт үгэстэрин ыытар сирдэригэр регистрациялаах физическэй сирэйдэр;

7) “Чернобыллааҕы АЭС саахалын түмүгэр радиация дьайыытыгар түбэспит дьону социальнай көмүскээһин туһунан” РСФСР Сокуона дьайыытын тарҕатыы туһунан” 1991 сыл ахсынньы 27 күнүнээҕи 2123-1 №-дээх РФ Үрдүкү Сэбиэтин уурааҕын бастакы пуунугар ыйыллыбыт ураты кутталлаах салааҕа киирэр гражданнар, олорор сирдэринэн Саха Өрөспүүбүлүкэтин сиригэр регистрацияламмыттар;

9) РФ Сэбилэниилээх Күүстэригэр быстах хомуурунан байыаннай сулууспаҕа ыҥырыллыбыт, бу дьон сайабылыанньата суох 2022 сыллааҕы нолуоктааһын кэмигэр;

10) РФ Сэбилэниилээх Күүстэригэр байыаннай сулууспаны хантараагынан ааһар (ааспыт) дьон эбэтэр “Оборона туһунан” 61-ФС 1996 сыл ыам ыйын 31 күнүнээҕи Федеральнай Сокуон 1 ыстатыйатын 6 пуунугар ыйыллыбыт РФ национальнай гвардиятыгар байыаннай сулууспаҕа сылдьар (сылдьыбыт) дьоҥҥо, байыаннай эпэрээссийэҕэ Украина, Донецкай Норуодунай Өрөспүүбүлүкэ уонна Луганскай Норуодунай Өрөспүүбүлүкэ сирдэригэр-уоттарыгар кинилэр кыттыбыт буоллахтарына, 2022 сыл нолуоктааһын кэмигэр.

Онон тырааныспар нолуогар эрэгийиэн сокуонунан чэпчэтии олохтоммотоҕо. Ол эбэтэр биэнсийэлээхтэр тырааныспар нолуогун толору төлүүллэр.

Хаартыска: тустаах уорган

Recent Posts

  • Сонуннар
  • Сүрүн

Бүгүн сорох улуустарга -20 кыраадыс буолара күүтүллэр

Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…

56 минут ago
  • Сонуннар

«Саханефтегазсбыт» ыраах сытар нэһилиэктэри ньиэп бородууктатынан хааччыйда

«Саханефтегазсбыт» АУо 2025 сылга  ыраах сытар, сылы эргиччи суола-ииһэ суох, автозаправочнай  (АЗС) уонна контейнернай автозаправочнай…

10 часов ago
  • Сонуннар
  • Уопсастыба

«Киин куорат» хаһыат үлэ саҥа көрүҥэр көһүөҕэ

Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…

10 часов ago
  • Байыаннай эпэрээссийэ
  • Сонуннар

Байыаннай дьайыыга өссө биир «Якт-Сокол» ыытылынна

Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…

11 часов ago
  • Интэриэһинэй
  • Сонуннар

Саха сиригэр Саҥа дьыл түүнүгэр тымныйыаҕа

Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…

11 часов ago
  • Интэриэһинэй
  • Сонуннар

Кыһыҥҥы тымныыга тоҥуу хаарга түспүт оҕо хайдах тыыннаах хаалбытай?

Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…

12 часов ago