Биэнсийэлээхтэри НДФЛ-тан босхолуур туһунан этии киллэрдилэр

«Сиэрдээх Арассыыйа» баартыйа биэнсийэлээхтэри дохуоттан нолуок (НДФЛ) төлөбүрүттэн босхолуур туһунан этии киллэрдэ. Бу туһунан ТАСС иһитиннэрэр.

«Сиэрдээх Арассыыйа» салайааччыта Сергей Миронов РФ премьер-миниистиригэр Михаил Мишустиҥҥа намыһах дохуоттаах биэнсийэлээхтэри – олох алын кээмэйиттэн элбэҕэ суох дохуоту ылааччылары босхолуур туһунан эттэ. Бу чэпчэтии үлэлиир да, үлэлээбэт да биэнсийэлээхтэргэ тарҕаныахтаах.

Миронов этэринэн, маннык дохуоттаах дьоҥҥо кыра да НДФЛ бүддьүөккэ биллэр-көстөр охсуунан буолар: аска-үөлгэ, эмкэ уонна төлөбүрдээх мэдиссиинэ өҥөтүгэр анаан харчылара аҕыйах хаалар. Кини санаатынан, нолуогу көтүрүү аҕам саастаах гражданнар олохторун хаачыстыбатын уонна доруобуйаларын тупсарыа, ону таһынан аҕа көлүөнэҕэ эбии өйөбүл миэрэтэ буолуоҕа.