Биэнсийэни элбэтэргэ ийэ хапытаалын хайдах туһаныахха сөбүй

Бастатан туран, сэртипикээт хаһаайына Арассыыйа Социальнай пуондатын порталыгар эбэтэр кини филиалыгар баар тус кэбиниэтин нөҥүө киирэн, төһө үп хаалбытын чуолкайдыахтаах диэн Госдумаҕа эппиттэр.

Сэртипикээт хаһаайына эрэ бу харчыны бэйэтэ кэлин ылыахтаах биэнсийэтин мунньуутугар туһаныан сөп.

▫️Сайабылыанньаны судаарыстыбаннай өҥө порталынан эбэтэр Социальнай пуонда салаатыгар биэриэхтээххит. Сайабылыанньаҕа тус бэйэҥ дааннайдарыҥ, көһөрүллэр суума (барыта эбэтэр сорҕото) уонна ханнык судаарыстыбаннайа суох биэнсийэ пуондатын талбытыҥ киирэр.

▫️Сайабылыанньаны көрөн баран, Социальнай пуонда талыллыбыт судаарыстыбаннайа суох биэнсийэ пуондатыгар харчыны ыытар. Харчы киһи тус счетугар түһэр уонна кэлин атын мунньуллубут харчыны кытта биэнсийэ төлөбүрэ буолаллар.