Хаартыска: СИА
Саха сиригэр 2024 сыл атырдьах ыйын 1 күнүттэн 93164 үлэлиир биэнсийэлээххэ биэнсийэлэрэ хос ааҕыллыа.
Хас биирдии биэнсийэлээххэ биэнсийэтин атырдьах ыйынааҕы улааппыт кээмэйэ араас-араас, ол эбэтэр 2023 с. үлэ биэрээччи үлэһиккэ төлөөбүт страховой усунуоһун сууматыттан тутулуктаах диэн Саха сиригэр Арассыыйа социальнай пуондатын отделениетын управляющайа Марина Герман брифиҥҥэ эттэ, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
“Ол эбэтэр биэнсийэлээх хамнаһа төһөнөн үрдүк да, биэнсийэтэ соччонон улаатан иһиэ. Ол эрээри, сокуон быһыытынан эбиллии суумата үс биэнсийэ коэффициенын куоһарыа суохтаах. Коэффициент сыаната гражданин биэнсийэтин оҥорторбут сылыттан тутулуктаах. 2024 сыллаахха биэнсийэ коэффициенын сыаната 133,05 солкуобайга тэҥнэһэр”, – диэн Марина Герман чуолкайдаан биэрдэ.
Отделение управляющайа бэлиэтээбитинэн, биэнсийэни былааннаах хос ааҕыы туох да сайабылыанньата суох быһа оҥоһуллар. Харчы түһэр болдьоҕор түһүөҕэ.
“Маны таһынан 2025 сылтан бары үлэлиир биэнсийэлээхтэр биэнсийэлэрэ индексацияланыа, бу 2016 сылтан оҥоһуллубакка турбута. Индексация 2016-2024 сыллардааҕы биэнсийэ сууматыгар, төһө үрдээн испитин учуоттаан туран, оҥоһуллуоҕа. Бу сылларга үлэлиир биэнсийэлээхтэр биэнсийэлэрэ индексациялана эрэ турбута, төлөммөт этэ. Ылыллыбыт уларыйыыларга сөп түбэһэн, туох баар страховой биэнсийэ бары көрүҥнэрэ, инбэлиит биэнсийэтин, иитэр-аһатар киһини сүтэрии биэнсийэтин киллэрэн туран, индексацияланыахтара.
Үрдэтиини бигэргэппит мэхэньииһим уратыта диэн, индексацияны бу ыла сылдьар биэнсийэҕитигэр буолбакка, көтүтүллүбүт индексация барыта ааҕыллыбыт балачча үрдээбит кээмэйдээх биэнсийэҕэ туттуохтара. Оччотугар арыый үрдүк эбиллии киириэ этэ.
Марина Герман этэринэн, үлэлиир биэнсийэлээхтэр биэнсийэлэрин бастакы индексацията кэлэр сыл олунньутугар буолуоҕа, Саха сиринээҕи Арассыыйа Социальнай пуондатын Отделениета хос ааҕыыны быһа оҥоруоҕа.
Арассыыйа Социальнай пуондатын Отделениетын эрэгийиэннээҕи контакт-киинигэр бу төлөпүөн нүөмэринэн эрийэн тахсыаххытын сөп: 8 (800) 100-00-01 (босхо).
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…