Хаартыска: ru.freepik.com
«Сиэрдээх Арассыыйа» фракция дьокутааттарын бөлөҕө, салайааччылара Сергей Миронов баһылыктаах, страховой уонна социальнай биэнсийэлэри индексациялыыр саҥа бэрээдэгин олохтуур сокуон барылын Судаарыстыбаннай Дуумаҕа киллэрдэ. Докумуон балаата электроннай баазатыгар тохсунньу 27 күнүгэр таҕыста.
Ол курдук, «Страховой биэнсийэлэр туһунан» уонна «РФ судаарыстыбаннай биэнсийэнэн хааччыйыы туһунан» сокуоннарга биэнсийэни кыбаартал аайы индексациялыыры, оттон индексация коэффициенын РФ Бырабыыталыстыбата инфляция дьиҥнээх көрдөрүүтүгэр олоҕуран быһаарарын киллэрэн бигэргэтэргэ этиллэр.
Көҕүлээһин ааптардара бэлиэтииллэринэн, кыбаартал аайы индексациялыыр ньыма инфляция түргэтээтэҕинэ биэнсийэ төлөбүрүн атыылаһар кыаҕын түргэнник көмүскүүргэ, сыана үрдээһинин уонна төлөбүрү хаттаан көрүү икки ардыларыгар баар хойутааһыны аччатарга кыах биэриэ. Ону таһынан, биэнсийэни ылааччылар олохторун таһымын үрдэтиэ уонна сыл устата дохуоттарын эрдэттэн билэр кыахтарын улаатыннарыа.
Парламентарийдар эбии бэлиэтииллэринэн, киллэриллэр уларытыылар биэнсийэни аныыр төрүөттэри, страховой бырааптары ааҕар бэрээдэги, биэнсийэ сүрүн формулатын тутулун таарыйбаттар.
Индексация коэффициеннарын хас биирдии кыбаарталга сыана дьиҥнээх уларыыйыыларын учуоттаан быһаарарга көмөлөһүө. Онуоха сыл иһинээҕи индексация мунньуллар хабааннаах буолуоҕа, ол эбэтэр сыллааҕы уопсай үрдээһин отчуоттуур кэминээҕи дьиҥнээх инфляцияҕа сөп түбэһиэхтээх.
Биллэрин курдук, Арассыыйаҕа саҥа кэлиэхтээх оҕону түһэртэрии сокуонунан көҥүллэнэрэ уонна мэдиссиинэ булгуччулаах страховкатын тиһигэр киирэрэ.…
Олунньуга биэрэһи уонна баклажаны олордор ордук. Эспиэрдэр сэрэтэллэр - сылааһы сөбүлүүр үүнээйилэргэ 75 хонуктаах үүнээйи…
ИДьМ сулууспатын 2-с нүөмэрдээх полиция отделын дьуһуурунай чааһыгар уол оҕо аҕата таҥас уорбуттарын тыллаабыт. Эр…
СӨ Ил Дархана Айсен Николаев Кэбээйи улууһугар оробуочай сырыытын кэмигэр Сангаар бөһүөлэгэр байыаннай дьайыы кыттыылааҕа…
Тохсунньуга Саха сирин психологтара 960 биирдиилээн уонна бөлөҕүнэн консультацияны ыыттылар. Үлэни өрөспүүбүлүкэ иһигэр да, таһыгар…
Силиэстийэ сабаҕалыырынан, былырыын балаҕан ыйын 14 күнүгэр 1998 с.т. уонна 2001 с.т. икки эдэр киһи…