Биэнсийэ үрдээтэ. Төһөнөн?

2025 сыл ахсынньытыгар үлэлээбэт аҕам саастаахтар биэнсийэлэрин орто кээмэйэ 23 996 солкуобайга тэҥнэстэ, бу сыл иһигэр быһа холоон 2,3 тыһыынча солкуобайга үрдээбитин көрдөрөр. Бу туһунан Арассыыйа Социальнай пуондатын дааннайдара туоһулууллар.

«Сыл иһигэр суума быһа холоон 2,3 тыһ. солкуобайынан үрдээтэ», — диэн РИА Новости  иһитиннэрэр. Тэҥнээн көрдөххө, 2024 сыл ахсынньытыгар үлэлээбэт биэнсийэлээхтэр ортотунан 21,7 тыһыынча солкуобайы ылаллара.

Төлөбүр саамай үрдүк таһыма Киин федеральнай уокурукка бэлиэтэннэ. Онно 2025 сылга биэнсийэ орто кээмэйэ 24,2 тыһыынча солкуобай буолла (сыл анараа өттүгэр 21,9 тыһыынча этэ).

Үлэлиир уонна үлэлээбэт биэнсийэлээхтэр страховой биэнсийэлэрэ 2026 сыл тохсунньу 1 күнүттэн 7,6% индексацияланна. Кулун тутар 1 күнүттэн олунньуга 80 саастарын туолбут, ону тэҥэ инбэлииттэр эбии төлөбүрү ылыахтара: кинилэргэ сааһынан страховой биэнсийэҕэ эбии төлөбүрү икки төгүл үрдэтиэхтэрэ.