Биэс киһи өлүүлээх суол быһылаана таҕыста

«112»  биир кэлим ситимҥэ Алдан куораттан 5 км сиргэ суол  быһылаана тахсыбытын туһунан суһал иһитиннэрии киирбитин туһунан ЫБММ  Саха сиринээҕи управлениета иһитиннэрдэ. 

Билигин быһылаан тахсыбыт сиригэр  ГИБДД, ЫБММ, Суһал көмө исписэлиистэрэ үлэлииллэр.

Барыллааһын быһыытынан, Тойота Приус   КАМАЗ массыынаны кытта харсыспыт.

Хомойуох иһин, суол быһылааныгар биэс киһи суорума суолламмыт. Барыта Тойота Приус  пассажирдара.  КАМАЗ суоппара эмсэҕэлээбэтэх.