Биэс күннээх дьаарбаҥкаттан кыһыҥҥы хаһааскын хааччын

Балаҕан ыйын 25-29 күннэригэр Дьокуускайга Комсомольскай болуоссакка «Ас-үөл-2024» үгэс буолбут дьаарбаҥка буолуоҕа.

Дьаарбаҥкаҕа пиэрмэрдэр, оҥорон таһаарааччылар, агро-оскуолалар уо.д.а. бэйэлэрин бородууксуйаларын туруоруохтара. Онон куорат олохтоохторо уонна ыалдьыттара биэс күн устата 10.00-19.00 чч. диэри дьаарбаҥкаҕа кэлэн атыылаһыахтарын сөп.
Ону таһынан маастар-кылаастар, аһы-үөлү боруобалааһын, саҥа бородууксуйалары билиһиннэрии дьон-сэргэ болҕомтотун тардыаҕа.
Дьаарбаҥка АГАТУ ипподромугар ат сүүрдүүтүнэн түмүктэниэҕэ.

(СИА матырыйаалынан)