Хаартыска: minobrnauki.sakha.gov.ru
“СӨ сыл иитээччитэ-2025” идэ күөн күрэһин II түһүмэҕин иитинэн 15 лауреат маастар-кылаастарын көрдөрүлэр уонна брифиҥҥэ кытыннылар. Педагогтар оҕону үөрэтиигэ, иитиигэ көдьүстээх, сөптөөх сыһыаны көрдөрөн үлэлэрин ньыматын үллэһиннилэр. Хас биирдии маастар-кылаас чахчы арыйыы буолла – көрөөччүлэр үөрэххэ оонньуу мэтиэдикэтин, интерактивнай технологияны хайдах туһаныахха сөбүн көрдүлэр.
Күөн күрэс бу түһүмэҕин иккис чааһыгар брифинг буолла. Бу иитинэн кыттааччылар уочаратынан оҕолор, устудьуоннар, төрөппүттэр уонна дьүүллүүр сүбэ ыйытыыларыгар хоруйдаатылар.
Ити курдук иккис түһүмэх кэнниттэн биэс лауреат талыллан, түмүктүүр түһүмэххэ таҕыста:
Сайаана Варфоломеева, Майатааҕы “Чуораанчык” уһуйаан иитээччитэ, Мэҥэ Хаҥалас улууһа, “Бөлөҕүнэн чинчийии” уонна “Оҕолор ыйытыылара” маастар-кылааһы көрдөрө.
Виктория Заболотняя, “Радуга” оҕону сайыннарар киин-уһуйаан муусукаҕа салайааччыта, Бүлүү улууһа, П.И.Чайковскай “Оҕо альбома” циклыттан “Баба Яга” пьесаҕа олоҕуран улахан саастаах уһуйаан оҕолоругар остуоруйаны көхтөөхтүк иһитиннэрэр ньыманы көрдөрдө.
Наталья Козелкова, “Мишутка” уһуйаан иитээччитэ, Алдан улууһа, “Воспитатель-волшебник: секреты радостного обучения” маастар-кылааска нейрогимнастика уонна телеснай пуркуссия ньымаларын туһаныы уопутуттан үллэһиннэ.
Саргылана Копырина, Уһун Күөл сэлиэнньэтин 33-с нүөмэрдээх “Чуораанчык” уһуйаан физкултуураҕа инструктора, Уус Алдан улууһа, “Лесенка – Алыптаах үктэл” диэн ааттаах традиционнайа суох тэрилгэ араас эрчиллиилэри, оонньуулары көрдөрдө.
Татьяна Толстоухова, Чурапчы сэлиэнньэтин “Улыбка” оҕону сайыннарар киин-уһуйаан эбии үөрэхтээһиҥҥэ педагога, Чурапчы улууһа, аангылыйа тылын үөрэтии кинигэтэ, саха тылын үөрэтиигэ панорамнай кинигэлэр уонна үс тылынан этиилэри оҥоруу киирэр оҕо тылын сайыннарыыга мэтиэдикэ босуобуйаларын кэмпилиэгин билиһиннэрдэ.
Үөрэҕи сайыннарар уонна идэ таһымын үрдэтэр интситут пресс-сулууспата суруйар.
Бу күннэргэ Хаҥалас уонна Абый улуустарын дэлэгээссийэлэрэ байыаннай дьайыы зонатыгар үлэлииллэр. Донецкай Норуодунай Өрөспүүбүлүкэҕэ Саха…
Алдан оройуонун ИДьМ отделын силиэстийэлиир салаатын силиэдэбэтэлинэн Алдан олохтооҕун баан счетыттан харчы уоруллубут чахчытынан холуобунай…
Бүгүн патриотическай иитиигэ быһаччы үлэлии сылдьар дьон, кэлэктииптэр, оскуола, тэрилтэлэр үлэһиттэрэ, араас хамсааһыннар чилиэннэрэ «Патриот»…
Саха сирин экэниэмикэ үүнүүтүн кииннэрин социальнай сайдыыларын былаанын чэрчитинэн 2026 сылга 11 тэрээһини олоххо киллэриигэ…
Олунньу 5 күнүгэр Саха сирин киинэ тыйаатырдарыгар «Сахафильм» хампаанньа «Күүлэй! От кэмэ» диэн дьиэ кэргэнинэн…
Холуобунай ирдэбил управлениетын оперативниктара уонна баан куттал суох буолуутун сулууспатын үлэһиттэрэ түөкүттэр уорбут харчыларын сорҕотун…