Биэс мэндиэмэннээх дьиэҕэ умайыы тахса сырытта

ЫБММ Саха сиринээҕи салаата суруйарынан, бүгүн, от ыйын 10 күнүгэр, 13:04 чааска баһаарынай-быыһыыр сулууспаҕа Нерюнгри оройуонун Чульманыгар биэс мэндиэмэннээх дьиэҕэ умайыы тахсыбытын туһунан суһал иһитиннэрии киирбит.

Ол курдук   Циолковскай уулуссаҕа биэс мэндиэмэннээх дьиэҕэ баһаар тахсан, тута Нерюнгритааҕы баһаарынай-быыһыыр  гарнизон баһаарынайдара ыйыллыбыт аадырыһынан тиийбиттэр. Баһаар тахсыбыт  миэстэтиттэн үс киһини  эвакуациялаабыттар.

Баһаарга  дьыбаан,   бытовой тиэхиньикэ былдьаммыт. Баһаарынайдар суһал үлэлэрин түмүгэр, кыбартыыра быыһаабыттар.

Умайыы тахсыытын төрүөтэ  барыллааһын быһыытынан  – электроситимнэр быстах самыкаанньалара (короткое замыкание).