Биэс ойуур баһаара умуруоруллубут

Биэс ойуур баһаара умуруоруллубут.

Уот хаппыт уопсай иэнэ 18,5 тыһ. га. Маны таһынан, сэттэ ойуур баһаара бохсуллубут ( уот хаппыт иэнэ 31,7 тыһ. га).

Уоту умуруорууга 1654 киһи үлэлиир, 156 тиэхиньикэни туһаналлар. Бу туһунан ЫБММ министиэристибэтин САха сиринээҕи салааыттан иһитиннэрбиттэр.

Авиалесоохрана иһитиннэриитинэн, өрөспүүбүлүкэ сиригэр-уотугар 71 ойуур баһаара бэлиэтэнэр. Өлүөхүмэ, Үөһээ Бүлүү, Дьааҥы, Сунтаар, Кэбээйи улуустарын нэһилиэнньэлээх пууннарыттан чугас баар аҕыс ойуур баһаара ураты хонтуруолга тутуллаллар.

Аэромобильнай бөлөх Куду, Өргүөт, Чапаево, Сайдыы диэки ойуур баһаардарын умуруорууга үлэлээбит. Бүгүн салгын ааллара Сунтаарга, Үөһээ Бүлүүгэ үлэлииллэр диэн этэр РФ ЫБММ управлениетын Саха сиринээҕи салаатын начаалынньыга Павел Гарин.