Оҕо атаҕастаныа суохтаах!
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ Дьокуускайдааҕы салаатын пресс-сулууспата иһитиннэрдэ.
Алтынньы 12 күнүгэр 02:02 ч. полиция 2-с нүөмэрдээх отделыгар хаста да этээстээх дьиэ биир кыбартыыратын түннүгэр кыра оҕо турарын туһунан суһал иһитиннэрии киирбит. Кырачаан кыысчаан хаһыытын ааһан иһэр киһи истибит уонна суһал сулууспаларга тыллаабыт.
Иһитиннэрии киирээтин кытта ыйыллыбыт аадырыһынан сокуоннай саастарын ситэ илик отдел иниспиэктэрэ уонна быыһааччылар тиийбиттэр. 9-с этээскэ баар кыбартыыраҕа 5 саастаах оҕо соҕотоҕун олороругар түбэспиттэр. Кыысчаан түннүгү бэйэтэ аһан баран, көмө көрдөөн хаһыытаабыт.
Бэрэбиэркэ кэмигэр биллибитэ, кысчаан 37 саастаах ийэтэ чугастааҕы оройуоҥҥа бохоруонаҕа барбыт. Оҕону 17 саастаах кыыһа көрүөхтээх эбит. Ол эрээри эдьиийэ түүн бэйэтин наадатынан барбыт.
Дьахтарга КоАП РФ 5.35 ыстатыйатынан «Ненадлежащее исполнение обязанностей по содержанию и воспитанию несовершеннолетних» диэнинэн административнай матырыйаал толоруллубут. Бу иннинэ дьахтар хаста даҕаны туһааннаах ыстатыйанан административнай эппиэтинэскэ тардылла сылдьыбыт эбит.
Билигин туһааннаах түбэлтэнэн бэрэбиэркэ ыытылларын туһунан ИДьМ Дьокуускайдааҕы салаатын пресс-сулууспата иһитиннэрдэ.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…