Биэс суоппар саахал буолбут сириттэн куоппут

Дьокуускайга ааспыт сууккаҕа 14 суол саахала буолбутун туһунан Госавтоинспекция иһитиннэрэр.

17 чаас саҕана Михаил Николаев проспегын 36/6А №-дээх дьиэтин таһыгар 49 саастаах суоппар Chevrolet TrailBlazer массыынаны ыытан иһэн дистанцияны тутуспакка,  Toyota Prius Alpha массыынаҕа тиийэн түспүт. Госавтоинспекция үлэһиттэрэ быһаарбыттарынан, суоппар итирик туруктаах.

Биэс суоппар саахал буолбут сирдэриттэн куоппуттара биллибит. Массыыналарга тиийэн түһүүлэри бэлиэтээбиттэр:

• Toyota Land Cruiser 203-с түөлбэҕэ;
• Toyota Voxy Киров уул., 19-с №-дээх дьиэтин таһыгар;
• Subaru Impreza Каландаришвили уул., 40/2 №-дээх дьиэтин таһыгар;
• Toyota BB Строители уул., 12-с №-дээх дьиэтин таһыгар;
• Toyota Vitz Лермонтов уул., 100/3 №-дээх дьиэтин таһыгар.