ЯСИА хаартыската
Саха сиригэр кэнники биэс сылга регистрацияламмыт бэйэлэрэ дьарыктаах дьон ахсаана 25 төгүл элбээбит, 69,4 тыһ. тиийбит. Эрэгийиэҥҥэ урбааны өйүүр үлэ РФ Бэрэсидьиэнэ В.Путин сорудаҕынан национальнай бырайыактар чэрчилэринэн олоххо киирэр.
СӨ урбааҥҥа, эргиэҥҥэ уонна туризмҥа миниистирин бастакы солбуйааччы Максим Карбушев иһитиннэрэринэн, 2025 сылга национальнай бырайыагы олоххо киллэрии тиһиктээхтик салҕаммыт.
—Арассыыйа Бэрэсидьиэнэ көҕүлээбит национальнай бырайыагын Саха сиригэр олоххо киллэрии көхтөөхтүк салҕанар. Быйыл ону олоххо киллэрэргэ сүрүн операторбыт — «Мин биисинэһим» киин линиятынан 13 мөл. солк. көрүллүбүтэ. Кэлэр сылга 20 мөл. солк.кэриҥэ көрүллэрэ былааннанар, — диир кини.
2025 сылга урбаанньыттарга 17 тыһ. тахса сүбэ-ама арааһа оҥоһуллубут. 370 тахса үөрэтэр уонна иһитиннэрэр тэрээһин ыытыллыбыт. «Мин биисинэһим» киин оҥорор сүбэтэ-амата, үөрэҕэ салҕанар.
—Улахан болҕомто олохтоох оҥорон таһаарыыны сайыннарыыга уонна тас ырыынакка тахсыыны өйүүргэ ууруллар. Биир сүрүнүнэн, «Сделано в Якутии» эрэгийиэннээҕи маркетплейс буолар. Манна сүүстэн тахса урбаанньыт баар, — диэн Максим Карбушев бэлиэтиир.
Саха сирин кытта федеральнай маркетплейстар хардарыта сибээстээх үлэлииллэр. OZON эрэгийиэннээҕи витрина аһыллыбыта. Онтон Wildberries бэлэмнэнии бара турар. Маныаха Wildberries кытта бииргэ «Платформа роста» үөрэтэр бырайыак ыытыллар. Маны таһынан, «Мама-предприниматель», «Папа-предприниматель», «Малый бизнес для большой семьи» үөрэтэр бырагыраамалар, ону сэргэ байыаннай дьайыы кыттыылаахтарыгар бырагыраама үлэлэрин саҥа саҕалыыр урбаанньыттарга олус наадалааҕа бэлиэтэнэр.
Сиһилии: https://www.sakha.gov.ru/news/16475
СӨ Ил Дарханын уонна Бырабыыталыстыбатын пресс-сулууспата
Биэнсийэ пуондатын аатыттан түөкүттэр 2016-2018 сыллардааҕы биэнсийэҕитин хаттаан аахпыттар диэн үһүйээни толкуйдаан, биэнсийэлээх дьоҥҥо эрийтэлээн…
Нерюнгри оройуонугар байыаннай дьайыы кыттыылаахтарын уонна кинилэр дьиэ кэргэттэрин өйүүр доброволецтар "Бары бииргэ Кыайыыга!" өрөспүүбүлүкэтээҕи…
Бу күннэргэ СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтин чат-ботугар Дьокуускай куорат Таалай күөлүгэр…
Биэстээх уонна уоннаах тимир харчылар оҕочоон куолайыгар туран хаалбыттар. Национальнай мэдиссиинэ киинигэр тимир харчылары ыйыстыбыт…
2025 сыл саҕаланыаҕыттан Саха сиригэр 4000-тан тахса бэйдиэ сылдьар ыты туттулар. Итинтэн аҥарын кэриҥин киин…
Атамайга Арассыыйа Дьоруойа Алексей Петров уонна Биир кэлим сүрүннүүр киин волонтера Вера Душкевич кэлэн ыалдьыттаатылар.…