Салгыы
До выборов президента РФ
00 дней
:
00 часов
:
00 минут
:
00 секунд
Биэс сылга успуорт 32 эбийиэгэ тутулунна

Биэс сылга успуорт 32 эбийиэгэ тутулунна

Ааптар:
04.12.2023, 16:42
Хаартыска sakha.gov.ru ылылынна
Бөлөххө киир:

Өрөспүүбүлүкэҕэ кэнники биэс сылга араас бырагырааманан, ол иһигэр «Демография» национальнай бырайыагы киллэрэн туран, успуорт 32 улахан эбийиэгэ баар буолла.

Маны сэргэ, ГТО туттарарга 37 дьоҕус былаһаакка тэрилиннэ, организациялары, оскуолалары саҥа тэрилинэн, малынан-салынан хааччыйыы ыытыллар.

Маныаха Ил Дархан Айсен Николаев бэлиэтээбитинэн, «Успуорт — олох нуормата» федеральнай бырайыак баар буолан, өрөспүүбүлүкэҕэ  физкултууранан уонна успуордунан тиһиктээхтик дьарыктанааччылар ахсааннара элбиир.

«2019 сылтан саҕалаан билиҥҥэ диэри тутуллар бары спортивнай эбийиэктэр аныгы үйэ ирдэбилигэр толору эппиэттииллэр, наадалаах тэрилинэн, малынан-салынан хааччыллыбыттар. Нэһилиэнньэ физкултууранан дьарыктанарыгар бары усулуобуйалар тэриллибиттэр. Төһөнөн элбэх хаачыстыбалаах эбийиэктэр баар буолаллар да, оччонон элбэх киһи чэгиэн буоларга, физкултууранан дьарыктанарга, чэбдигирэргэ тардыһар», — диэн СӨ Физкултуураҕа уонна успуорка миниистирэ Леонид Спиридонов этэр.

«Демография» национальнай бырайыак «Успуорт — олох нуормата» федеральнай бырайыагын чэрчитинэн Ньурба оройуонугар Антоновкаҕа успуорт саалата, Жатайга сөтүөлүүр бассейн,  Мэҥэ Хаҥалас улууһугар Аллараа Бэстээх бөһүөлэгэр бассейннаах, успуорт саалалаах комплекс, Горнай улууһугар Бэрдьигэстээххэ элбэх хайысхалаах успуорт саалата, Уус Алдаҥҥа  Мындаабаҕа универсальнай комплекс уонна Бороҕоҥҥо элбэх хайысхалаах чэбдигирдэр-спортивнай комплекс тутуллан киирбиттэрэ.

Хаартыска sakha.gov.ru ылылынна

2019  сыллаахха ахсынньыга, Антоновкаҕа биир бастакынан спортивнай комплекс аһыллыбыта.

Маны сэргэ, 2019  сыллаахха Жатайга успуорт комплекса киирбитэ. Уопсайа 1,58 тыһ. кв. м. эбийиэккэ 25 м. үс ыллыктаах бассейн, ону сэргэ дьарыктанар саала бааллар. Манна спортсменнар бэлэмнэнэллэр, күрэхтэһиилэр ыытыллаллар уонна, биллэн турар, Жатай олохтоохторо бассейнҥа харбаан доруобуйаларын бөҕөргөтөллөр, чэбдигирдинэллэр.

«2022 сылтан манна дьарыктанабын. Төрөппүттэрим өйүүллэр. Бассейн олус кырасыабай, киэҥ-куоҥ. Манна наһаа үчүгэй. Харбыырга үөрэнним. Нэдиэлэҕэ түөртэ дьарыктанабыт. Бастакы юношескай разрядтаахпын. Өрөспүүбүлүкэҕэ ыытыллыбыт күрэхтэһиилэргэ кыттыбытым, Москваҕа муус устарга бара сылдьыбытым. Аны успуорт маастарыгар кандидат нуорматын толорор баҕалаахпын. Олимпийскай чөмпүйүөн буолбут киһи диэн ыра санаалаахпын«, — диэн этэр 2 №-дээх Жатай орто оскуолатын 4 кылааһын үөрэнээччитэ Юлия Березовская.

Юлия — «Олимпийскай эрэллэр» өрөспүүбүлүкэтээҕи турнир үрүҥ көмүс призера, 50 м. көҥүл истиилинэн, 50 м. брасс, 50 м. көхсүгэр сытан харбааһыҥҥа.  Маны сэргэ, кини Ю.И.Усов кэриэһигэр ыытыллыбыт өрөспүүбүлүкэтээҕи турнир чөмпүйүөнэ.

Хаартыска sakha.gov.ru ылылынна

«Бассейн 2019  сыллаахха сэтинньигэ аһыллыбыта. Үс мэндиэмэннээх. Бастакыга саала баар. Иккискэ — таҥас уларыттар хос, бассейн, быраас хоһо. Үһүскэ — дьарыктанар сир. Бастакы ыйдарга 60-ча оҕо дьарыктанар эбит буоллаҕына, билигин 170  оҕоҕо тиийдэ. Икки тириэньэргэ 15-16 киһилээх биэс бөлөх дьарыктанар. Манна оҕолор Тулагыттан, Кангаласстан кэлэллэр. Наһаа сөбүлүүллэр. Иитиллээччилэрбит 2020  сылтан күрэхтэһиилэргэ кыттан барбыттара. Өрөспүүбүлүкэ таһымнаах күрэхтэһиилэргэ кыттан медалистар, призердар бааллар. Саас Москваҕа Бүтүн Арассыыйатааҕы турнирга баран күрэхтэспиттэрэ. Маны таһынан, нэһилиэнньэ көхтөөхтүк сылдьар.Кинилэр ортолоругар кырдьаҕастар, биэнсийэҕэ олорор дьон бааллар. Ыччаттар үлэлэрин кэнниттэн кэлэллэр. Бу «Успуорт — олох нуормата» бырайыак баар буолан хамсааһын таҕыста«, — диэн кэпсиир Жатай оҕо, ыччат спортивнай оскуолатын тириэньэрэ Александр Чикачев.

Мэҥэ Хаҥалас улууһугар Аллараа Бэстээх бөһүөлэгэр тыа сиригэр бассейннаах улахан спортивнай комплекс үлэҕэ киирбитэ. Оройуон олохтоохторо бу аҥаардас улуус эрэ иһигэр буолбакка, өрүс уҥуоргу улуустарыгар барыларыгар успуорду сайыннарарга туһалааҕын бэлиэтииллэр.

Хаартыска sakha.gov.ru ылылынна

2,5 тыһ. кв.м. кэриҥэ иэннээх элбэх хайысханы толорор Бэрдьигэстээх спортивнай саалатыгар волейболлуохха, мини-футболлуохха, баскетбуоллуохха сөп. 400  миэстэлээх тырыбыналаах. Маны сэргэ, комплекска буоксанан дьарыктанар, эрчиллэр саалалардаах, судьуйалар уонна суруналыыстар олорор сирдэрэ баар. Душтанар хостоох, тириэньэрдэр олорор хосторо, быраас хоһо бааллар. Эрчиллиилэри уонна күрэхтэһиилэри таһынан, манна өссө култуура тэрээһиннэрэ ыытыллаллар.

«Маассабай успуорка улахан болҕомто ууруллуо.  2030  сылга диэри Арассыыйа олохтооҕун 70% успуордунан тиһиктээхтик дьарыктанарыгар сыал-сороук туруорабыт. Ол эбэтэр, 93  мөл.киһиэхэ, сааһыттан уонна доруобуйатын бөлөҕүттэн тутулуга суох, бука барыларыгар успуорт олохторун нуорматынан буолуохтаах«, — диэн Арассыыйа Бэрэсидьиэнэ Владимир Путин быйыл алтынньыга «Россия – спортивная держава» норуоттар икки ардыларынааҕы  XI пуорумҥа этэн турар.

Чөл, чэгиэн олоххо уонна маассабай успуорду киэҥник тарҕатыыга үрдүкү салалта сыаллаах-соруктаах үлэни ыыппытын түмүгэр, ону сэргэ успуордунан дьарыктанар саалалар, комплекстар тутулланнар, Саха сирин олохтоохторо успуордунан тиһиктээхтик дьарыктаныылара кэнники биэс сылга 1,7  төгүл улааппыт. 2023 сылга өрөспүүбүлүкэ нэһилиэнньэтин уопсай ахсааныттан 55% тиийбит.

#нацпроект

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
23 февраля
  • -38°C
  • Ощущается: -38°Влажность: 73% Скорость ветра: 1 м/с

Сообщить об опечатке

Текст, который будет отправлен нашим редакторам: