Биэс сылга 17,5 миллиард суумалаах национальнай бырайыактар олоххо киллэрилиннилэр

Дьокуускай куорат биэс национальнай бырайыак: «Куттала суох хаачыстыбалаах суоллар”,  «Үөрэхтээһин», «Демография», «Олорор дьиэ уонна куорат эйгэтэ”, «Култуура» чэрчитинэн кыттар уонна үбү-харчыны ылар.

2019-2023 сылларга федеральнай бүддьүөттэн барыта 17,5 миллиард солкуобай бэрилиннэ.

2019 сылга – 1,5 миллиард солкуобай;
2020 сылга – 1,7 миллиард солк.;
2021 сылга – 2,4 миллиард солк.;
2022 сылга – 6,4 миллиард  солк;
2023 – 5,5 миллиард солкуобай.

Арассыыйа бэрэсидьиэнэ Владимир Путин 2023 сыл ахсынньытыгар дойду бырабыыталыстыбатыгар национальнай бырайыактары үлэлэтэргэ уонна былааннааһыны 2036 сылга  диэри салҕыырга сорудахтаабыта.

«Биһиэхэ сайдыы национальнай соруктарын чопчулуур, 2036 сылга диэри былааннааһын саҕахтарын кэҥэтэр сорук турар. Биһиги кыахпытыгар уонна уопсастыба наадыйыытыгар сөп түбэһэр сайдыы тус сыаллаах кээмэйин быһаарыахтаахпыт”, — диэн Владимир Путин сорудахтаабыта.