Биэс сүүстэн тахса бөрө баара бэлиэтэммит

2025 сыл саҕаланыаҕыттан иниспиэктэрдэр уонна биирдиилээн дьон иһитиннэрбиттэринэн, өрөспүүбүлүкэ үрдүнэн уопсайа 519 бөрө баара бэлиэтэнэр.

Ол иһигэр айылҕа ураты харыстанар сирдэригэр-уоттарыгар 137 адьырҕа кыыл баар. Онтон уопсайа 70 бөрө бултаммытыттан 42 бөрө “сүрүннээһининэн”  бултаммыт. Ол иһигэр 9 адьырҕа кыыл сыһыарыллыбыт сиргэ бултанна. Ону таһынан биллибитинэн, бөрөлөр тайаҕы тардыбыттар.

Саамай элбэх бөрө баара Мииринэй, Горнай, Томпо, Муома, Алдан оройуоннарыгар бэлиэтэнэр.

Бөрөлөр ахсааннарын сүрүннүүр үлэни “Биологическай ресурсалар, ураты харыстанар айылҕалаах сирдэр уонна аан айылгылар дириэксийэтин булт кыылын-сүөлүн харыстыыр управлениета оройуон үрдүнэн 35 идэтийбит 4 мобильнай биригээдэ тэрийбиттэрэ. Ону таһынан бөрөнү утары охсуһар туһунан анал тэрээһин оҥорон, биирдиилээн булчуттары, нэһилиэк баһылыктарын, хаһаайыстыбалаах дьону кытта дуогабар түһэрсэн, хапкаанынан уонна троһунан көмөлөһөр. Холобура, ааспыт сылга дуогабардаспыт дьон 49 бөрөнү бултаан, отчуоттаатылар.

Николай Левин,

Биологическай ресурсалар, ураты харыстанар айылҕалаах сирдэр уонна аан айылгылар дириэксийэтин булт кыылын-сүөлүн харыстыыр управлениетын  Саха сиринээҕи адьырҕа кыылларынан дьарыктанар исписэлииһэ