Хаартыска: SakhaGov
Былырыын 5 тыһыынчаттан тахса киһи өрөспүүбүлүкэ килииникэлэригэр уустук эмтэниини ааспыт.
“Национальнай бырайыактар көмөлөрүнэн тутуллубут уонна арыллыыларыгар дойду бэрэсидьиэнэ Владимир Путин кыттыбыт Сүрэх-тымыр уонна Онкология кииннэрин көмөлөрүнэн үрдүк технологиялаах мэдиссиинэ туһаныллар. Өрөспүүбүлүкэ олохтоохторугар оҥоһуллар үрдүк технологиялаах көмө 77% өрөспүүбүлүкэ тас өттүгэр барбакка, манна оҥоһуллар», — диэн СӨ доруобуйа харыстабылын миниистирэ Лена Афанасьева иһитиннэрдэ.
Кэнники сылларга национальнай бырайыактарынан өрөспүүбүлүкэҕэ мэдиссиинэ 1572 инники иһэр тэрилэ атыылаһылынна. “Уһун уонна көхтөөх олох” национальнай бырайыагынан сүрэх-тымыр, искэн, саахарынай диабет, С гепатит ыарыыларын сэрэтиигэ уонна охсуһууга соруктар туруорулуннулар.
«Мин баар кыаҕы уопсастыба доруобуйатын бөҕөргөтөр уонна мэдиссиинэ өҥөтө табыгастаах, хаачыстыбалаах буоларыгар туһанар туһугар 2021-2030 сыллары доруобуйа Уон сылынан биллэрбитим. Биһиги бу кэми ортолоотубут уонна түмүктэр бааллар. Биэс сыл иһигэр куораттарга уонна улуустарга мэдиссиинэ уонунан эбийиэгэ тутулунна уонна өрөмүөннэннэ, сүүһүнэн аныгы тэрил, ол иһигэр “ыарахан” – көмпүүтэр уонна магнитнай-резонанснай томографтар, ангиографтар, ыарыыны быһаарар тэриллэр үлэлииллэр”, — диэн Айсен Николаев ааспыт сыл ахсынньытыгар Судаарыстыбаннай Мунньахха Туһаайыытыгар бэлиэтээбитэ.
«Сүрэх-тымыр ыарыыларын утары охсуһуу” бырагыраама чэрчитинэн тутуллубут Сүрэх-тымыр киинэ уонна тымыр 8 бастакы сүһүөх отделениеларын көмөлөрүнэн 2025 сылга инфаркт миокарда ыарыыттан өлүү 36% аччаата. Билигин инфаркт миокардаттан эмтэнээччилэр 77% тромболизис эбэтэр стентирование ньыматынан көмөнү бастакы сууккаларыгар ылаллар. Инсулу эмтииргэ аныгы ньымалары киллэрэргэ улахан үлэ барар.
Арассыыйа эрэгийиэннэринэн аккордеоннаах бэлисипиэтинэн айанньыт Клим Калужских Дьааҥы куоратыгар тиийбит. Бу туһунан ТАСС-ка айанньыт иһитиннэрдэ.…
Ахсынньы 28 күнүгэр олохтоох бириэмэнэн киэһэ 22:18 чааска «Восточнай» судаарыстыбаннай космодромтан «Союз-2.1б» аракыатаны көтүтүү былааннанар.…
Индия Калькутта куоратын чугаһыгар эмтэммэт Нипах вируһа тарҕаммыта бэлиэтэннэ. Билигин биэс киһи ыалдьыбыт, сүүсчэкэ киһи…
Кыбартыыраҕа счетчик суох буоллаҕына тымныы ууга төлөбүр кээмэйэ икки бүк улаатыаҕа. Бу туһунан дойду бырабыыталыстыбатын…
Үлэҕэ хойутааһын эбэтэр кэлбэт буолуу, кутталлаах быһыы-майгы (силлиэ, буурҕа, хаар хаайыыта) туһунан ЫБММ, метеорологтар эбэтэр…
Олунньу – тас көрүҥҥүн эрэ буолбакка, үп-харчы туруккун тупсарарга үтүө кэм. Астрология өттүнэн сөптөөх күҥҥэ…