Ил Дархан, бырабыыталыстыба пресс-сулууспата.
Биэс улууска көхтөөх уһун үйэлэниини өйүүр бырайыактарын иһин субсидиялары биэриэхтэрэ. Субсидия сэртипикээтин «Көхтөөх уһун үйэлэнии» бэстибээл кэмигэр туттардылар.
Ол курдук, Амма, Горнай, Мэҥэ Хаҥалас, Мииринэй, Алдан оройуоннара биирдии мөлүйүөн солкуобайы ылыахтара. Судаарыстыбаннай бүддьүөттэн бэриллэр субсидия уопсай суумата — 5 мөлүйүөн солкуобай.
Улуустар аҕам саастаах көлүөнэ үйэтин уһатарга, чэгиэн буолалларыгар туһуламмыт тэрээһиннэрин кыттыгас үбүлээһин быһыытынан субсидия бэрилиннэ. Холобур, социальнай туризмы сайыннарыы, чэбдигирдэр лааҕыры, аҕам саастаах дьоҥҥо күнүскү өттүгэр араас дьарыктары тэрийии курдук бырайыактар бааллар.
Бу күннэргэ бэстибээл чэрчитинэн, аҕам саастаах дьоҥҥо өссө туох көмө оҥоһуллуон сөбүн туһунан ырытыстылар.
Бэрэсидиэн Владимир Путин 2025 сылтан «Көхтөөх, уһун олох» национальнай бырайыак саҕаланарын туһунан иһитиннэрбитэ. Онон киһи олоҕун орто уһуна 80 сааска тиийиэхтээх. Ону тэҥэ, кырдьаҕастар көмүс саастарыгар көхтөөх, чэгиэн буолалларын ситиһэр сорук турар.
Оттон Ил Дархан Айсен Николаев быһа эпиир кэмигэр аҕам саастаахтары өйүүр кэккэ миэрэлэр киирэллэрин туһунан тоһоҕолоон бэлиэтээбитэ. Дьокуускайга Өрсөпүүбүлүкэтээҕи көхтөөх уһун үйэлэнии киинэ аһыллыаҕа. 100 саастарын туолбут, «Үйэ саас» бэлиэнэн наҕараадаламмыт дьоҥҥо төлөбүр 1 мөлүйүөн солкуобайга тиийэ улаатта.
Бырабыыталыстыба 2025-2028 сылларга «Вместе к активному долголетию 55+» көхтөөх уһун үйэлэниигэ уонна чэгиэн буоларга туһуламмыт тэрээһиннэр былааннарын ылыммыта. Бу былааҥҥа социальнай хааччыйыыга, үөрэтэр куурустарга, физкултуураҕа, култуураҕа, мэдиссиинэҕэ боппуруостары сайыннарыахтара.
Ил Дархан, бырабыыталыстыба пресс-сулууспата.
Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай дьайыы кыттыылаахтарын хорсун быһыыларын үйэтитэр…
Бүгүн Креативнай индустрия кэллиэһигэр Аҕа дойду тас өттүгэр ытык иэстэрин толорбут интернационалист буойуттар күннэригэр уонна…
РИА-Новости иһитиннэрэринэн, Санкт-Петербург куоракка эбсийээнэ уоспатынан ыалдьыы икки түбэлтэтэ бэлиэтэммит. Уобаластааҕы Роспотребнадзор чахчыларынан, Таиланд Королевствотыттан…
ИДьМ Чурапчытааҕы салаатын дьуһуурунай чааһыгар түөкүннээһиҥҥэ түбэспит киһиттэн сайабылыанньа киирбит. Ол курдук эр киһи саппаас…
Билигин бырааска тэйиччиттэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…